La 147:8 - BAIBLO ALOO NGMAMI KLƆUKLƆU Ɔ

⁸ Lɛ nɛ e ngɔɔ bɔku kɛ haa hiɔwe, nɛ e haa hiɔmi nɛɛ kɛ pueɔ zugba a nɔ, nɛ nga mumu puɛɔ ngɛ yo ɔmɛ a nɔ.

La 147:8 ပူးပေါင်းရင်းမြစ်များ

Hiob 5:10

Lɛ nɛ e haa nɛ hiɔmi nɛɔ kɛ pueɔ zugba; nɛ e haa nɛ ngmɔ ɔmɛ naa nyu.

Ni Tsumi 14:17

Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”

Mose I, 9:14

Be tsuaa be nɛ ma ngɔ bɔku kɛ ha hiɔwe nɛ alale maa ngmaa si ngɛ mi ɔ,

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Yoel 2:23

“Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

La 135:1

Nyɛ je Yawɛ yi! Nyɛ je Yawɛ biɛ ɔ yi! Nyɛ Yawɛ tsɔli tsuo, nyɛ je e yi!

Abɛ Womi 27:25

Ke nga gbli, nɛ nga mumu kpale puɛ, nɛ a bua lohwehi a niye ní nya ngɛ yo ɔmɛ a nɔ ɔ,