La 147:6 - BAIBLO ALOO NGMAMI KLƆUKLƆU Ɔ

⁶ Yawɛ piɛɔ nihi nɛ a waa mɛ yi mi a he; se yiwutsotsɛmɛ lɛɛ e sakee mɛ ngɔ fiaa si.

La 147:6 ပူးပေါင်းရင်းမြစ်များ

La 25:9

Nihi nɛ baa a he si ɔ, Yawɛ tsɔɔ mɛ e blɔ ɔ, kɛ bɔ nɛ sa kaa a ba a je mi ha.

1 Petro 5:6

Lɔ ɔ he ɔ, nyɛɛ ba nyɛ he si ha Mawu, nɔ nɛ he wa, nɛ e buu nyɛ he ɔ. Kɛkɛ ɔ, ke e su be nɛ lɛ nitsɛ e to ɔ, e ma wo nyɛ nɔ.

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.

1 Petro 3:4

Se mohu, bɔ nɛ nyɛ ngɛ ha ngɛ nyɛ tsui mi ɔ, lɔ ɔ maa tsɔɔ nyɛ he fɛu ɔ nitsɛnitsɛ. Nɔmlɔ nɛ he jɔ, nɛ e ngɛ kpoo ɔ, e he fɛu nɛ tsakee we ɔ ji nɔ́ nɛ he jua wa saminya ngɛ Mawu hɛ mi.

Mateo 5:5

“A gbaa ni nɛmɛ nɛ a he jɔ, ejakaa nɔ́ nɛ Mawu wo he si ɔ, a nine maa su nɔ.

La 149:4

Ejakaa Yawɛ naa e ma a he bua jɔmi. E haa nihi nɛ baa a he si yeɔ kunimi.

La 145:14

Nihi nɛ ngɛ haomi mi ɔ, e piɛɔ a he, nɛ nihi nɛ nɔ si ɔ, e woɔ a nɔ kɛ daa si ekohu.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

La 37:11

Nihi nɛ a he jɔ ɔ, mɛɛ a maa hi zugba a nɔ ngɛ kplɔkɔtɔ, kɛ tue mi jɔmi mi.

La 41:13

A je Yawɛ, Israel Mawu ɔ yi! A je e yi mwɔnɛ nɛ ɔ; a je e yi daa. Amen!

Malaki 4:3

Ligbi ɔ nɛ ma tsu ní nɛ ɔ, yiwutsotsɛmɛ maa pee kaa la zu ngɛ nyɛ nane sisi, nɛ nyɛ maa naa a nɔ.” Yawɛ Tabohiatsɛ ɔ lɛ de.