La 147:3 - BAIBLO ALOO NGMAMI KLƆUKLƆU Ɔ

³ Ni nɛmɛ nɛ a tsui ku ɔ, e ngɛ mɛ tsae, nɛ e ngɛ a pa amɛ a nɔ fie.

La 147:3 ပူးပေါင်းရင်းမြစ်များ

La 34:18

Nihi nɛ a kɔni mi jɔ̃, kɛ nihi nɛ a be hɛ nɔ kami ɔ, Yawɛ hii a kasa nya, konɛ e wo mɛ he wami.

Hiob 5:18

Ke Mawu plaa mo ɔ, e fiɔ pa a nɔ; ke e fia mo nɔ́ ɔ, e tsaa mo.

Yeremia 33:6

Se kɛ̃ ɔ, be ma nɛ ma tsa Yerusalem hiɔ ɔ, nɛ ma ha nɛ ma mi bi ɔmɛ ma na he wami. Ma ha nɛ a ma plɔke, nɛ a ma na he jɔmi.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

La 51:17

Bɔ nɛ saa mo Mawu o hɛ mi ji he piami. Ke nɔ ko pia e he, nɛ e tsake e tsui ɔ, o kua we lɛ.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Ezekiel 34:16

“Tohi nɛ laa a, ma ya hla mɛ; ní nɛmɛ nɛ tla blɔ ɔ, ma ya tsɔ́ mɛ kɛ ba; ní nɛmɛ nɛ plaa a, ma fi a pa amɛ a nɔ ha mɛ; hiɔtsɛmɛ ɔmɛ hu ma tsa mɛ. Se ní nɛmɛ nɛ wo zɔ, kɛ ní nɛmɛ nɛ ngɛ he wami saminya a, ma kpata a hɛ mi; ejakaa i yeɔ dami sane.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

La 34:19

Nɔ nɛ peeɔ nɔ́ nɛ da a, haomi babauu baa e nɔ; se Yawɛ jeɔ lɛ kɛ jeɔ lɛ tsuo mi.