La 147:1 - BAIBLO ALOO NGMAMI KLƆUKLƆU Ɔ

¹ Nyɛ je Yawɛ yi! E hi kaa a la kɛ je wa Mawu ɔ yi; ejakaa dloolɔ ji lɛ, nɛ e sa kaa a la kɛ je e yi.

La 147:1 ပူးပေါင်းရင်းမြစ်များ

La 135:3

Nyɛ je Yawɛ yi, ejakaa Yawɛ hi; nyɛ la kɛ je e biɛ ɔ yi, ejakaa e mi mi hi.

La 33:1

Nyɛ dali tsuo, nyɛ hwɔ lele ngɛ nɔ́ nɛ Yawɛ pee ha nyɛ ɔ he. Nyɛ nihi tsuo nɛ nyɛ buɔ lɛ tue, nyɛ je e yi.

La 92:1

Yawɛ, e hi kaa a na mo si. E hi kaa a la kɛ je mo, Hiɔwe No ɔ o yi.

La 42:4

Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.

Ezra 3:12

Benɛ osɔfo ɔmɛ ekomɛ, Levi bi ɔmɛ ekomɛ, we puɔ nya dali ɔmɛ ekomɛ, kɛ nimeli nɛ le bɔ nɛ Mawu we ɔ ngɛ sa a, na Mawu we ɔ sisi tomi nɛ ɔ fiami kikɛ nɛ ɔ, a wo yana boboobo. Se ni kpa amɛ nɛ ngɛ lejɛ ɔ lɛɛ ose ɔ kɛkɛ a ngɛ hee wawɛɛ kɛ ngɛ nyae.

La 92:2

Daa mɔtu ɔ, á tu o suɔmi nɛ ngɛ daa a he munyu; daa nyɔ mi hu, á fiɛ kaa o yeɔ anɔkuale.