La 146:6 - BAIBLO ALOO NGMAMI KLƆUKLƆU Ɔ

⁶ Mawu nɛ pee hiɔwe, zugba, wo, kɛ a mi níhi tsuo, nɛ e yeɔ e siwo nɔ daa.

La 146:6 ပူးပေါင်းရင်းမြစ်များ

Kpojemi 14:7

Bɔfo ɔ de kɛ gbi nɛ wa ke, “Nyɛɛ ye Mawu gbeye, nɛ nyɛɛ wo e hɛ mi nyami! Ejakaa be ɔ su nɛ e maa kojo nihi tsuo nɛ ngɛ je ɔ mi. Nyɛ ja nɔ nɛ pee hiɔwe kɛ zugba, kɛ wo kɛ nyu hɛngmɛhi nɛ baa a!”

La 100:5

Yawɛ hi; e naa wɔ mɔbɔ daa, nɛ e we anɔkuale ɔ ngɛ kɛ yaa neneene.

Mose II, 20:11

ejakaa ligbi ekpa Yawɛ ngɔ kɛ pee hiɔwe, zugba, kɛ wo kɛ a mi nɔ́ tsuaa nɔ́, nɛ ligbi nɛ ji kpaago ɔ, e jɔɔ e he. Enɛ ɔ he je nɛ e gbaa Hejɔɔmi ligbi ɔ, nɛ e pee lɛ klɔuklɔu ɔ nɛ.

Kolosebi 1:16

Ejakaa e nɔ lɛ Mawu gu kɛ bɔ nɔ́ tsuaa nɔ́ ngɛ hiɔwe kɛ zugba, níhi nɛ a naa, kɛ ní nɛmɛ nɛ a nɛ́. Ekomɛ ji nihi nɛ ngɛ he wami nɛ a kojoɔ nihi, nihi a nɔ yeli, kɛ nihi nɛ hɛɛ he wami kpahi. Mawu gu Kristo nɔ kɛ bɔ níhi tsuo, nɛ Kristo nɔuu a bɔ mɛ ha.

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Mose I, 1:1

Sisije ɔ, benɛ Mawu bɔ hiɔwe kɛ zugba a,

La 95:5

E níhi ji wo ɔ, kɛ zugba a tsuo; ejakaa lɛ nitsɛ lɛ e pee mɛ.

La 89:2

I le kaa o suɔmi ɔ maa hi si daa. O we anɔkuale yemi ɔ hu be nyagbe; e ngɛ kɛ yaa neneene kaa bɔ nɛ hiɔwe ngɛ ɔ.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

La 117:2

Ejakaa suɔmi nɛ Yawɛ kɛ suɔ wɔ ɔ, suɔmi ɔ kle, nɛ e yeɔ anɔkuale daa. A je Yawɛ yi!

La 33:6

Fami kɛkɛ lɛ Yawɛ fa nɛ e kɛ pee hiɔwe. Munyu kɛkɛ lɛ je e nya nɛ pu, kɛ nyɔhiɔ, kɛ dodoehi ba.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Yohane 1:3

Munyu ɔ nɔ Mawu gu kɛ pee nɔ́ tsuaa nɔ́. Níhi tsuo nɛ a pee ɔ, a si we Munyu ɔ se kɛ pee ekoeko.

La 115:15

Yawɛ nɛ bɔ hiɔwe kɛ zugba a, é gbaa nyɛ.

Yohane 10:34

Yesu he nɔ ke, “A ngma ngɛ nyɛ mlaa a mi ke, Mawu de ke, ‘Mawuhi ji nyɛ.’

Daniel 9:4

I fa kue ha Yawɛ, ye Mawu ɔ, nɛ i jaje ye ma a he yayami. I de ke, “Nyɔmtsɛ Mawu, o kle agbo, nɛ o he ngɛ gbeye. O yeɔ o siwo nɔ, nɛ o naa nihi nɛ suɔ mo, nɛ yeɔ o mlaa amɛ a nɔ ɔ mɔbɔ.

La 98:3

Si ko nɛ e wo Israel ma a, e ye nɔ; e ye mɛ anɔkuale, nɛ e na mɛ mɔbɔ babauu. Nihi ngɛ je ɔ mi he tsuaa he na kaa wa Mawu ɔ ye kunimi.

La 89:33

Se kɛ̃ ɔ, suɔmi nɛ i ngɛ kɛ ha mɛ ɔ, jamɛ a suɔmi ɔ be tae gblegbleegble; si ko nɛ i wo David ɔ hu, i be ye nya se kpalee.

Mose V, 7:9

Nyɛ na nɛ nyɛɛ le kaa Yawɛ, nyɛ Mawu ɔ, lɛ pɛ ji Mawu, nɛ e yeɔ anɔkuale. E maa ye e somi nɔ, nɛ e ma je e suɔmi nɛ ngɛ daa a kpo kɛ tsɔɔ yi nɔhi akpe abɔ nɛ suɔ lɛ, nɛ a yeɔ e mlaa amɛ a nɔ ɔ,

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.