La 146:4 - BAIBLO ALOO NGMAMI KLƆUKLƆU Ɔ

⁴ Ke nɔmlɔ gbo ɔ, e kpaleɔ kɛ yaa zu mi ekohu, jamɛ a ligbi ɔ nɔuu e yi mi tomi ɔmɛ tsuo a se poɔ.

La 146:4 ပူးပေါင်းရင်းမြစ်များ

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

La 104:29

Ke o kua mɛ ɔ, a haoɔ. Ke o ngɔ a mumi ɔ, a gboɔ nɛ a kpaleɔ kɛ yaa zu mi he nɛ a je ɔ.

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

1 Korintobi 2:6

Se ni nɛmɛ nɛ wa ngɛ mumi mi ɔ, i fiɛɔ nile sɛ gbi ko kɛ̃ kɛ haa mɛ; pi nile nɛ adesa tsɔɔ, nɛ pi je nɛ ɔ mi nɔ yeli a nɔ́. Mɛɛ lɛɛ a maa be kɛ ho.

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

Hiob 27:3

kaa be abɔ nɛ i ngɛ wami mi, nɛ Mawu mumi ngɛ ye mi nɛ ɔ,

Hiob 17:11

Ye ligbi ɔmɛ ta; ye yi mi tomi ɔmɛ puɛ; ye hɛ kɛ nɔ fɔmi ɔ ta.

Hiob 14:21

Ke e gbo ɔ, e bimɛ a hɛ mi ba nyami jio, e bimɛ a hɛ mi pue si jio, e li.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

La 90:3

O deɔ adesa ke, “Kpale kɛ ya o je he!” Kɛkɛ ɔ, nɔmlɔ plɛɔ peeɔ tabo zu.

Hiob 17:1

Ye wami be ɔ ta; i nyɛ we nɛ i ngɛ mumi woe. Amlɔ nɛ ɔ lɛɛ nɔ́ nɛ ngɛ mi mlɛe ji yɔkɔ.

Hiob 14:10

Se nɔmlɔ lɛɛ ke e gbo ɔ, e nyagbe ji lɔ ɔ nɛ. Ke nɔmlɔ adesa gbo ɔ, jije o maa na lɛ ngɛ ekohu?

Mose I, 6:17

Ma ha nɛ nyu kpekpemi maa ba je ɔ mi nɛ e ma kpata nɔ́ tsuaa nɔ́ nɛ wami ngɛ e mi ɔ hɛ mi. Nɔ́ tsuaa nɔ́ nɛ ngɛ je ɔ mi ɔ hɛ mi ma kpata,

Fiɛlɔ 9:6

A gbo kɛ a suɔmi, ninyɛ, kɛ hɛkɔ ɔ tsuo. Níhi nɛ yaa nɔ ngɛ je nɛ ɔ mi ɔ, mɛɛ lɛɛ a pa be mi nɛ a peeɔ hu.