La 146:3 - BAIBLO ALOO NGMAMI KLƆUKLƆU Ɔ

³ Nyɛ ko ngɔ nyɛ hɛ kɛ fɔ ganɔ ko, loo nɔmlɔ adesa ko nɔ, ejakaa e be he wami nɛ e ma he nyɛ yi wami.

La 146:3 ပူးပေါင်းရင်းမြစ်များ

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

La 108:12

Piɛ wa he, konɛ waa kɛ he nyɛlɔ ɔ nɛ to ní. Ejakaa nɔmlɔ adesa he wami pi nɔ́ ko!

Yesaya 37:6

e ngɔ Yawɛ sɛ gbi nɛ ɔ mane lɛ ke, “Munyuhi nɛ nyɛ nu nɛ Asiria matsɛ tsɔli ɔmɛ ba tu kɛ pue ye hɛ mi si ɔ, nyɛ ko ye gbeye ngɛ he.

Yesaya 31:3

Egipt bi ɔmɛ ɔ, nimli adesahi kɛkɛ ji mɛ; tsa pi Mawu ji mɛ. A we okpɔngɔ ɔmɛ ɔ, lohwehi kɛkɛ ji mɛ, tsa pi Mawu mumi nɛ ngɛ a mi. Ke Yawɛ gba ta a, je ma ko je ma ko be nya nyɛe maa da; je ma nɛ he wa jio, je ma nɛ a ya je ngmlaa ha lɛ jio, mɛ tsuo a hɛ mi ma kpata.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

La 60:11

Piɛ wa he, konɛ waa kɛ he nyɛlɔ ɔ nɛ kpe. Ejakaa nɔmlɔ adesa he wami pí nɔ́ ko!

Matsɛmɛ II, 6:27

Matsɛ ɔ he nɔ ke, “Ke Yawɛ nitsɛ wa we mo ɔ, kɛ imi lɛɛ ma pee kɛ wa mo kɛɛ? Anɛ i ngɛ ngma, aloo wai?

Kronika II, 16:7

Jamɛ a be ɔ mi ɔ, gbalɔ Hanani ba Yuda matsɛ, Asa ngɔ, nɛ e ba de lɛ ke, “Akɛnɛ o ngɔ o hɛ ngɔ fɔ Siria matsɛ ɔ nɔ, nɛ o ngɔɛ o hɛ ngɔ fɔɛ Yawɛ, o Mawu ɔ nɔ he je ɔ, Siria matsɛ tabo ɔ tu fo kɛ je o he.

Yesaya 22:25

Ke e ba mi ja a, tso plɛɛko ɔ ma gbɔjɔ, nɛ e maa hia kɛ nɔ si. Kɛkɛ ɔ, ní ɔmɛ tsuo nɛ kplaa si ngɛ he ɔ, a hɛ mi ma kpata.” Yawɛ lɛ de.