La 145:1 - BAIBLO ALOO NGMAMI KLƆUKLƆU Ɔ

¹ Ye Mawu kɛ ye matsɛ, ma wo o hɛ mi nyami, nɛ ma na mo si daa.

La 145:1 ပူးပေါင်းရင်းမြစ်များ

Kronika I, 29:13

Lɔ ɔ he ɔ, wa Mawu, wa ngɛ mo si nae, nɛ wa ngɛ o biɛ nɛ hɛ mi ngɛ nyami ɔ yi jee.

La 100:1

Nyɛ je ɔ tsuo, nyɛ hwɔ lele ha Yawɛ!

La 118:28

Mo ji ye Mawu; ma na mo si. Mo ji ye Mawu; ma wo o hɛ mi nyami.

La 145:21

Ma je Yawɛ yi, nɛ ma ha nimli adesahi tsuo ma je e yi kɛ maa ya neneene.

La 146:2

Be abɔ nɛ ye hɛ ngɛ nɛ ɔ, ma je Yawɛ yi! Ligbi abɔ nɛ i ngɛ wami mi nɛ ɔ, ma la kɛ je ye Mawu ɔ yi!

La 149:2

Israel, nya o bɔlɔ ɔ he. Zion bi, nyɛ nya nyɛ matsɛ ɔ he.

La 30:1

Ma je o yi Yawɛ, ejakaa o he ye yi wami. O ha we nɛ ye he nyɛli nɛ nya; o ngmɛ́ mɛ blɔ nɛ a ye ye he fɛu.

La 30:12

Enɛ ɔ he je ɔ, i be ye nya mae; se mohu ma la kɛ je o yi. Yawɛ, ye Mawu, ma na mo si daa.

La 30:2

Yawɛ, ye Mawu, i fa kue ha mo, nɛ o tsa mi.

La 34:1

Ma na Yawɛ si daa; ma la kɛ je e yi be tsuaa be.

La 44:4

Mo ji ye matsɛ kɛ ye Mawu; mo lɛ o haa nɛ o ma a yeɔ kunimi.

La 45:1

Benɛ i ngɛ la nɛ ɔ poe kɛ ha matsɛ ɔ, munyu kpakpa sɔuu lɛ ba ye yi mi. La a ba ye nya amlɔ nɔuu kaa bɔ nɛ ní ngmalɔ kpakpa ngɔɔ e ningma tso kɛ ngmaa ni esɔesɔ ɔ.

La 45:6

Matsɛ sɛ klɔuklɔu ɔ maa hi si kɛ maa ya neneene. O matsɛ tso ɔ ji dami sane yemi he okadi.

La 5:2

Ye matsɛ kɛ ye Mawu! I ngɛ mo tsɛe! Bu mi tue koo!

La 5:3

Yawɛ, mɔtu ɔ, o nuɔ ye gbi. Ee, mɔtu ɔ, i faa kue kɛ haa mo, nɛ i mlɛɔ, konɛ o he nɔ.

La 52:9

Mawu, ma na mo si daa, ma na mo si kɛ maa ya neneene ngɛ nɔ́ nɛ o pee ɔ he. Ma na mo si ngɛ o ma a hɛ mi. Ma wo o biɛ ta, nɛ ma je o yi.

La 68:4

Nyɛ la ha Mawu; nyɛ la kɛ je e biɛ ɔ yi. Nɔ nɛ hii si ngɛ bɔku ɔmɛ a nɔ kɛ ngɛ nyɛɛe ɔ, nyɛ la kɛ je e yi. Yawɛ ji e biɛ; nyɛ la kɛ bua jɔmi ngɛ e hɛ mi.

La 75:9

Se imi lɛɛ ma ye Yakob Mawu ɔ he odase kɛ maa ya neneene; ma la kɛ je e yi daa.

La 95:3

Ejakaa Yawɛ ɔ, Mawu kpetekpleenyɛ ji lɛ; lɛ ji mawu ɔmɛ tsuo a matsɛ nguaa.

La 96:2

Nyɛ la ha Yawɛ; nyɛ je e yi! Nyɛɛ fiɛ sane kpakpa a daa ligbi ke Yawɛ he wa yi wami.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Yesaya 38:20

Yawɛ, o he ye yi wami; lɔ ɔ he ɔ, wa wami ligbihi tsuo ɔ, wa ma la, nɛ wa maa fia kpa saku kɛ to he kɛ je mo, Yawɛ o yi, ngɛ o we ɔ.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Malaki 1:14

Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”