La 144:7 - BAIBLO ALOO NGMAMI KLƆUKLƆU Ɔ

⁷ Kpa o nine mi kɛ je hiɔwe, nɛ o sá mi; jé mi kɛ je nyu babauu ɔ mi; jé mi kɛ je nibwɔhi a dɛ mi;

La 144:7 ပူးပေါင်းရင်းမြစ်များ

La 18:16

Yawɛ sɔ́le e nine kɛ je hiɔwe; e nu mi, nɛ e gbla mi kɛ je nyu babauu ɔ mi.

Kpojemi 17:15

Bɔfo ɔ ya nɔ nɛ e de mi ke, “Nyu kpekpemi ɔ nɛ o na nɛ yo ajuama a hii si ngɛ nɔ ɔ daa si ha mahi, je mahi, nimli slɔɔtoslɔɔtohi, kɛ gbi munomunohi.

La 54:3

Ejakaa ma je li ma mi tuami. Yiwutsotsɛmɛ ngɛ hlae nɛ a kpata ye hɛ mi; mɛɛ lɛɛ pi a he sane ko ji mo Mawu.

La 18:44

Nibwɔhi ma ba kpla si ha mi; ke a nu ye he pɛ a maa bu mi tue.

Samuel II, 22:17

Yawɛ juale e nine kɛ je hiɔwe, nɛ e pɛtɛ ye he; e gbla mi kɛ je pa nɛ mi kuɔ ɔ mi.

Mateo 27:43

E ngɔ e hɛ ngɔ fɔ Mawu nɔ, nɛ e deɔ ke Mawu Bi ji lɛ. Saminya! Ke Mawu ngɛ e he tsui ɔ, e je lɛ kɛ je tso ɔ nɔ koo!”

Malaki 2:11

Si nɛ Yuda bi ɔmɛ wo Mawu ɔ, a yi nɔ; mohu ɔ, a tsu musu ní ngɛ Yerusalem, kɛ zugba a tsuo nɔ. A ble Yawɛ we ɔ nɛ e suɔ saminya a. Nyumu ɔmɛ ngɔ yihi nɛ jaa ma se mawuhi.

La 144:11

He mi kɛ je klaate nɛ yeɔ awi ɔ nya, mo kpɔ mi kɛ je nibwɔhi a dɛ mi, nihi nɛ a nya mi munyu ɔ, lakpa sɔuu, nɛ kita po a yeɔ lakpa kɛ kaa a.

La 18:17

E kpɔ mi kɛ je ye he nyɛli ɔmɛ a dɛ mi; e je mi kɛ je nihi tsuo nɛ nyɛɛ mi ɔ a dɛ mi. Niinɛ, a he wa pe mi.

La 124:4

jinɛ nyu babauu ɔ ko sá wɔ kɛ ho nɛ e ha wa nɔ;