La 144:4 - BAIBLO ALOO NGMAMI KLƆUKLƆU Ɔ

⁴ Nɔmlɔ adesa ngɛ kaa mumu nɛ a woɔ ɔ; e ligbi ɔmɛ ngɛ kaa hɔ̃ nɛ bee kɛ yaa.

La 144:4 ပူးပေါင်းရင်းမြစ်များ

La 102:11

Ye wami ligbi ɔmɛ ngɛ kaa hɔhɔmi nɛ bee kɛ yaa. I pee kaa nga gbigbli.

La 109:23

I laa kulaa kaa bɔ nɛ nini laa gbɔkuɛ nya si; a hu mi ngɔ fɔ he kaa a fieɔ baalɛ.

Hiob 8:9

Wa wami be ɔ ngɛ kpiti; wa li nɔ́ ko nɔ́ ko; wa ngɛ kaa nini kɛkɛ nɛ bee ngɛ je ɔ mi.

Fiɛlɔ 12:8

Ye juɛmi deɔ mi ke wami nɛ ɔ, se nami ko be he; lɛ tsuo peeɔ yaka.

Samuel II, 14:14

Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

Fiɛlɔ 8:13

Yayami peeli lɛɛ e be hie ha mɛ gblegbleegble. Mɛɛ lɛɛ a wami ngɛ kaa nini. A se kɛ we ngɛ je mi, ejakaa a yi Mawu gbeye.

Fiɛlɔ 1:14

Níhi tsuo nɛ a peeɔ ngɛ je nɛ ɔ mi ɔ, i na; nɛ i ngɛ dee ke lɛ tsuo yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 1:2

Ye juɛmi deɔ mi ke, wami nɛ ɔ, se nami ko be he; wami he be se nami. Lɛ tsuo peeɔ yaka!

La 89:47

Mo kai kaa ye wami be ɔ ngɛ kuku. Mɛni he je lɛ o bɔ nɔmlɔ adesa yaka gu ɔ?

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

La 39:11

Ke o ka adesa hɛ mi, nɛ o gbla e tue ngɛ e he yayamihi a he pɛ o kpata e nɔ́ tsuaa nɔ́ hɛ mi pɛsɛpɛsɛ kaa bo nɛ wɔyewɔye ye. Niinɛ, nɔmlɔ adesa ngɛ kaa kɔɔhiɔ kɛkɛ.

Kronika I, 29:15

Yawɛ lee, o le kaa wa ngɛ kaa nibwɔhi, kɛ blɔ nyɛɛli kaa wa nɛmɛ ɔmɛ pɛ. Wa wami ligbi ɔmɛ bee kɛ yaa kaa hɔ̃, nɛ wa be nyɛe maa tu gbenɔ nya fo.

Hiob 4:19

Nɛ mo nɛ tabo zu lɛ a kɛ puɛ mo, nɛ o ngɛ kaa bunyuku kɛkɛ! Mo nɛ a ma nyɛ maa naa o nɔ kaa bɔ nɛ a naa wɔyewɔye nɔ ɔ, moo lɛɛ o susu kaa Mawu ma he mo maa ye lo?