La 143:7 - BAIBLO ALOO NGMAMI KLƆUKLƆU Ɔ

⁷ Yawɛ, he mi nɔ esɔ koo! Ye hɛ kɛ nɔ fɔmi tsuo miɔ nɛ e ta. Koo ngɔ o he kɛ laa mi; ke pi ja a, i kɛ gbogboe ɔmɛ ngɛ gbeje maa sɔ.

La 143:7 ပူးပေါင်းရင်းမြစ်များ

La 102:2

Ke i ngɛ haomi mi ɔ, koo je ye he. Ke i tsɛ mo ɔ, he nɔ esɔ, nɛ o pee ye hiami ní ɔmɛ ha mi.

La 22:24

Ejakaa, e kua we nɔ́ nali; e hɛ ji a nɔ hulɔ. Ke a fa kue ha lɛ ɔ, e nuɔ; e laa we mɛ.

La 27:9

koo laa mi.” Koo ngɔ abofu kɛ fie imi, o tsɔlɔ ɔ. Mawu, mo ji ye yi wami helɔ; mo lɛ o piɛɔ ye he. Koo je ye he; ko kua mi.

La 28:1

Yawɛ, mo nɛ o faa ye he; i ngɛ mo tsɛe, moo bu mi tue koo! Ke o pui ye nya mi ɔ, lɛɛ ma pee kaa nihi nɛ ngɛ gbeje ɔ a ti nɔ kake.

La 40:17

E fi mi, nɛ ye ní ngɛ mɔbɔ; se Nyɔmtsɛ ɔ hɛ ngɛ ye nɔ. Ye Mawu, mo ji ye he piɛlɔ; mo ji ye kpɔlɔ. Moo ba ye ngɔ esɔ, koo to tsle!

La 69:17

Koo ngɔ o hɛ mi kɛ laa imi, o tsɔlɔ ɔ; ejakaa i ngɛ haomi mi; pee esɔ nɛ o ba je mi.

La 69:18

Hɛɛ mo kɛ su ye he, konɛ o ba kpɔ mi. Ba kpɔ mi kɛ je ye he nyɛli ɔmɛ a dɛ mi.

La 69:3

I kpa ngmlaa kɛ tsɛ balɔ hluu nɛ pɔ tɔ mi, nɛ ye kuɔ si kpɔ; i hyɛ blɔ hluu kɛ ya si ye hɛngmɛ se gbo.

La 70:5

Ye yi fi nɛ ye ní ngɛ mɔbɔ. Mawu, moo ba ye ngɔ esɔ! Yawɛ, mo ji ye he piɛlɔ; mo ji ye kpɔlɔ. Koo to tsle!

La 71:12

Mawu, ko ha nɛ i kɛ mo wa kpɛti nɛ kɛ. Ye Mawu, pee esɔ nɛ o ba piɛ ye he!

La 84:2

I na nɛ i ba lejɛ ɔ! Ye hɛ ngɛ jae ngɛ mo Yawɛ o we ɔ he. Imi nɔmlɔ ɔ tsuo i ngɛ lae kɛ bua jɔmi kɛ ngɛ Yawɛ yi jee.

Abɛ Womi 13:12

Ke o ngɛ nɔ́ ko blɔ hyɛe, nɛ nɔ́ ɔ se kɛ ɔ, o yeɔ o tsui. Se ke nɔ́ ɔ ba mi ɔ, o naa bua jɔmi babauu.

Yesaya 38:18

Ni gbogboehi be nyɛe ma je o yi. Ee, ni gbogboehi be nyɛe maa na mo si. Ni gbogboehi be nyɛe maa ngɔ a hɛ kɛ fɔ o nɔ kaa o yeɔ anɔkuale be tsuaa be.

Yesaya 57:16

Imi nitsɛ nɛ i ha ye ma a wami; lɔ ɔ he ɔ, i kɛ mɛ be pɛe, nɛ ye mi mi hu be mɛ fue kɛ ya neneene.

Yesaya 8:17

Yawɛ ngɔ e hɛ mi ngɔ laa e ma a, se imi lɛɛ i heɔ yeɔ, nɛ i ngɔ ye hɛ ngɔ fɔ e nɔ.

Luka 21:26

Níhi nɛ ma je ɔ mi ɔ maa wo nihi a he gbeye, nɛ a maa hɛli, ejakaa he wamihi nɛ ngɛ hiɔwe ɔ, a maa fie mɛ kɛ je a blɔ hehi.