La 143:3 - BAIBLO ALOO NGMAMI KLƆUKLƆU Ɔ

³ Ye he nyɛlɔ ɔ nyɛɛ ye se nɛ e ma kpata ye hɛ mi. E fia mi nɔ́ wawɛɛ, nɛ e tsɛ̃ ye yi se ngɔ wo diblii kpii mi; i pee kaa nɔ ko nɛ gbo momoomo.

La 143:3 ပူးပေါင်းရင်းမြစ်များ

Samuel II, 18:11

Yoab bi nɔ nɛ ba bɔ lɛ amaniɛ ɔ ke, “Nɛ́ o na lɛ ɔ, mɛni he je o fiɛ lɛ nɔ ngɛ lejɛ ɔ nɛ e nɔ si? Jinɛ ye blɔ nya ji ma ha mo sika hiɔ yi nyɔngma, kɛ mlɛ mi fimi nɔ́ ko.”

Samuel II, 2:22

Abner de lɛ ekohu ke, “Kpale ngɛ ye se nɛ o ko ha ma fia mo nɔ́ nɛ ma gbe. Ke i pee ja a, kɛ ma plɛ kɛ hyɛ o nyɛmi Yoab hɛ mi kɛɛ?”

La 142:6

Moo bu ye kue fami ɔ tue koo, ejakaa peepee ta ye he kulaa. Kpɔ mi kɛ je yiwutsotsɛmɛ a dɛ mi.

La 35:4

Nihi nɛ ngɛ hlae nɛ a gbe mi ɔ, ha nɛ zo nɛ gbe mɛ, nɛ a yi mi tomi ɔ nɛ bɔ mɛ. Ni nɛmɛ nɛ ngɛ ye yi nɔ soe ɔ, ha nɛ basabasa nɛ sɛ a kpɛti, nɛ a kpale a se.

La 54:3

Ejakaa ma je li ma mi tuami. Yiwutsotsɛmɛ ngɛ hlae nɛ a kpata ye hɛ mi; mɛɛ lɛɛ pi a he sane ko ji mo Mawu.

La 7:5

ha nɛ ye he nyɛli ɔmɛ nɛ a nyɛɛ ye se nɛ a nu mi. Ha nɛ a fia mi nɔ nɛ a gbe mi, nɛ a si mi ngɛ zugba.

La 7:6

Yawɛ, ye he nyɛli ɔmɛ te si kɛ wo mi; tee si nɛ o kɛ mɛ nɛ kpe ha mi. O mi mi nɛ fu mɛ; ejakaa dami sane yemi ji nɔ́ nɛ o suɔ.

Kɔmɔ Yemi 3:6

E ha nɛ i hi diblii kpii mi kaa nihi nɛ gbo blema a a ti nɔ ko.

Ezekiel 37:11

Nyɔmtsɛ Yawɛ de mi ke, “Nɔmlɔ adesa, Israel ma a tsuo ngɛ kaa wu nɛ ɔmɛ. A ngɛ dee ke a gbli kadokado, nɛ a be hɛ nɔ kami ko kulaa; a kpata a hɛ mi pɛsɛpɛsɛ.

Mika 7:8

E sɛ kaa wa he nyɛli ɔmɛ yeɔ wa he fɛu. Wa nɔ si lɛɛ, se wa maa te si ekohu. Amlɔ nɛ ɔ wa ngɛ diblii mi, se Yawɛ ma ha wɔ la.