La 143:12 - BAIBLO ALOO NGMAMI KLƆUKLƆU Ɔ

¹² O suɔmi nɛ be nyagbe ɔ he je ɔ, moo gbe ye he nyɛli ɔmɛ; nɛ ni nɛmɛ nɛ ngɛ mi haoe ɔ, mo kpata a hɛ mi pɛsɛpɛsɛ; ejakaa o tsɔlɔ ji mi.

La 143:12 ပူးပေါင်းရင်းမြစ်များ

La 54:5

Yayami nɛ ye he nyɛli ɔmɛ ngɛ hlae ha mi ɔ, Mawu, ha nɛ e kpale kɛ ba na mɛ nitsɛmɛ. Anɔkualetsɛ ji mo, lɔ ɔ he ɔ, kpata yayami peeli nɛ ɔmɛ a hɛ mi.

La 116:16

Yawɛ, o tsɔlɔ ji mi; mo lɛ i sɔmɔɔ kaa bɔ nɛ ye nyɛ pee ɔ pɛ. O je mi kɛ je gbenɔ mi.

La 119:94

O nɔ́ ji mi, he ye yi wami; ejakaa i bɔ mɔde kaa ma ye o mlaa amɛ a nɔ.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

La 52:5

Mawu hu maa ngɔ mo ngɔ fia si ja nɔuu kɛ maa ya neneene. E ma sá mo kɛ je o we ɔ mi; e ma je mo kɛ je hɛ kali a zugba a nɔ.

Samuel I, 26:10

David ya nɔ nɛ e de ke, “I na Yawɛ, hɛ kalɔ ɔ kaa lɛ Yawɛ nitsɛ e maa fia Saul nɔ, loo Saul gbenɔ be maa su nɛ e ma gbo, loo e ma gbo ngɛ ta nya.

Samuel I, 25:29

Nɛ ke nɔ ko maa te si kɛ wo mo, nɛ e ma hla kaa e gbe mo ɔ, Yawɛ, o Mawu ɔ maa bu o he kaa bɔ nɛ nɔmlɔ adesa buu june nɛ he jua wa he ɔ. Se o he nyɛli ɔmɛ lɛɛ e ma sake mɛ ngɔ fɔ he kaa bɔ nɛ a fɔɔ amlami tɛ ɔ.

La 54:7

O je mi kɛ je ye haomi ɔ tsuo mi, nɛ i na bɔ nɛ o ye ye he nyɛli ɔmɛ a nɔ kunimi.