La 142:6 - BAIBLO ALOO NGMAMI KLƆUKLƆU Ɔ

⁶ Moo bu ye kue fami ɔ tue koo, ejakaa peepee ta ye he kulaa. Kpɔ mi kɛ je yiwutsotsɛmɛ a dɛ mi.

La 142:6 ပူးပေါင်းရင်းမြစ်များ

La 79:8

Koo ngɔ wa nɛmɛ ɔmɛ a he yayami ɔmɛ kɛ gbla wa tue. Pee esɔ nɛ o na wɔ mɔbɔ, ejakaa wa kɔni mi jɔ̃.

La 116:6

Nihi nɛ peepee ta a he ɔ, Yawɛ baa a yi; benɛ i gbɔjɔ ɔ, lɛ nɛ e he ye yi wami.

La 136:23

Benɛ wa yi fi wawɛɛ ɔ, lɛ nɛ e kai wɔ; ejakaa e suɔmi ɔ ngɛ kɛ yaa neneene!

La 17:1

Yawɛ, moo piɛ ye he koo! Hyɛ kaa i yeɔ anɔkuale, nɛ i sisi we nɔ. Lɔ ɔ he ɔ, i kpa mo pɛɛ nɛ o bu kue nɛ i ngɛ fae kɛ hɛdɔ nɛ ɔ tue.

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

Romabi 8:33

Nihi nɛ Mawu hla a, mɛnɔ maa po a nya? Mawu nitsɛ lɛ woɔ nɔ nguɔ.

La 143:7

Yawɛ, he mi nɔ esɔ koo! Ye hɛ kɛ nɔ fɔmi tsuo miɔ nɛ e ta. Koo ngɔ o he kɛ laa mi; ke pi ja a, i kɛ gbogboe ɔmɛ ngɛ gbeje maa sɔ.

La 59:3

Yawɛ, hyɛ kaa dikali bua a he nya, konɛ a kpata ye hɛ mi, pohu i pee we yayami ko.

La 38:19

Ye he nyɛli ɔmɛ ngɛ kpakpataa, nɛ a he wa. Nihi nɛ nyɛɔ mi yaka gu ɔ, a he hiɛ babauu.

La 18:17

E kpɔ mi kɛ je ye he nyɛli ɔmɛ a dɛ mi; e je mi kɛ je nihi tsuo nɛ nyɛɛ mi ɔ a dɛ mi. Niinɛ, a he wa pe mi.

La 3:1

Yawɛ, hyɛ bɔ nɛ ye he nyɛli hiɛ ha! Hyɛ kaa nihi babauu te si kɛ wo mi!

Samuel I, 24:14

Mɛni se lɛ Israel matsɛ nyɛɛ nɛ ɔ? Mɛni o ngɛ fiee? Gbe gbogboe, aloo malɛɛ?

La 143:3

Ye he nyɛlɔ ɔ nyɛɛ ye se nɛ e ma kpata ye hɛ mi. E fia mi nɔ́ wawɛɛ, nɛ e tsɛ̃ ye yi se ngɔ wo diblii kpii mi; i pee kaa nɔ ko nɛ gbo momoomo.

La 27:13

I heɔ yeɔ kaa ma hi je mi kɛ yaa si ma na Yawɛ mi mi himi ɔ ngɛ wami nɛ ɔ mi.

La 46:2

Lɔ ɔ he ɔ, ke zugba mimiɛ, nɛ yohi hia kɛ ya pue wo mi po, wa be gbeye yee.

La 91:2

E ma de Yawɛ ke, “Mo ji ye wesa he, kɛ ye he bulɔ. Mo ji ye Mawu; i ngɔ ye hɛ kɛ fɔ o nɔ.”