La 142:1 - BAIBLO ALOO NGMAMI KLƆUKLƆU Ɔ

¹ Yawɛ i ngɛ tsɛe wawɛɛ ke e ba piɛ ye he ɔ nɛ. I wo ye gbi nɔ wawɛɛ kɛ ngɛ lɛ pɛɛ kpae.

La 142:1 ပူးပေါင်းရင်းမြစ်များ

La 57:1

Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

La 30:8

Yawɛ, i fa kue ha mo; i kpa mo pɛɛ ke o na mi mɔbɔ.

La 141:1

Yawɛ, mo i ngɛ tsɛe; o he nɛ sɔ ha mi; mo i ngɛ tsɛe boboobo ɔ nɛ, bu mi tue koo!

Kronika I, 4:10

Se Yabez fa kue ha Israel Mawu ɔ ke, “Mawu, i kpa mo pɛɛ nɛ o gbaa mi, nɛ o ha mi zugba nɛ kle. O kɛ mi nɛ hi si, nɛ o je ní yayamihi nɛ maa pee haomi kɛ je ye blɔ mi.” Nɛ Mawu ha lɛ nɔ́ nɛ e bi lɛ ɔ.

La 54:1

Mawu, ngɔɔ o he wami ɔ kɛ kpɔ mi. Ngɔɔ o he wami kpetekpleenyɛ ɔ kɛ wo mi nguɔ!

La 32:1

A gbaa nɔ nɛ a ngɔ e tɔmihi, kɛ e he yayamihi ngɔ pa lɛ.

La 28:2

Ke i wo ye nine nɔ kɛ tsɔɔ o we klɔuklɔu ɔ, nɛ i fa kue kɛ bi mo yemi kɛ buami ɔ, moo bu mi tue.

Samuel I, 24:3

Benɛ Saul su to tsu komɛ a he ngɛ blɔ ɔ nɔ ɔ, e gba ya sɛ tɛ puɔ ko mi, nɛ e ya nane nɔ ngɛ lejɛ ɔ. David kɛ e we bi ɔmɛ hu laa a he ngɛ jamɛ a tɛ puɔ ɔ nɔuu mi ngɛ se blɔ.

Hebribi 11:38

Je ɔ sɛ́ nimli nɛ ɔmɛ! A wo lalaalo ngɛ nga kplanaa nɔ, kɛ yohi a nɔ. A hi tɛ puɔhi, kɛ muɔhi a mi.

Samuel I, 24:4

Kɛkɛ nɛ David we bi ɔmɛ de lɛ ke, “Yawɛ de mo ke, ‘Ma je o he nyɛlɔ ɔ kɛ wo o dɛ mi nɛ o pee lɛ nɔ́ nɛ o suɔ.’ O nɛ, be ɔ su.” David pee blɛuu nɛ e ya po Saul bo ɔ nya nigii.