La 141:9 - BAIBLO ALOO NGMAMI KLƆUKLƆU Ɔ

⁹ Je mi kɛ je klama nɛ he nyɛli tsɔ mi ɔ mi. Je mi kɛ je yayami peeli a klama mi.

La 141:9 ပူးပေါင်းရင်းမြစ်များ

La 119:110

Yiwutsotsɛmɛ tsɔɔ mi klama mohu, se i tɔ̃ we o mlaa amɛ a nɔ.

La 140:5

He nɔ woli tsɔ klamahi ngɛ blɔ ɔmɛ a tue. A tsɔ mi klama, konɛ a du mi.

La 142:3

Benɛ ye nine mi miɔ nɛ e wo nyu ɔ, moo lɛɛ o le ye hiami ɔ mo. Ye he nyɛli ɔmɛ tsɔ mi klama ngɛ ye blɔ ɔ mi.

La 142:4

Ke i hyɛ ye hiɔ nɔ ɔ, nɔ ko nɔ ko be nɛ maa je ngmlaa ha mi; wesa he ko kulaa be ha mi, nɔ ko nɔ ko bui ye he akɔtaa.

La 38:12

Nihi nɛ ngɛ mi hlae nɛ a gbe ɔ tsɔɔ mi klama. Ni nɛmɛ nɛ hlaa kaa a ye mi awi ɔ, daa nɛ ɔ, a ngɛ lakpa yee, nɛ a ngɛ ye he guɛ gbee kɛ ngɛ nyɛɛe.

La 57:7

Mawu, i ngɔ ye hɛ kɛ fɔ mo pɛ o nɔ; ma la kɛ je o yi!

La 64:3

A duɔ a lilɛhi a nya kaa klaate; a munyu yaya amɛ ngɛ kaa kɛ̃ɛ̃ mi bihi

Abɛ Womi 13:14

Ní leli a tsɔɔmi ngɛ kaa nyu vu nɛ haa nɔ wami. E ma ha nɛ o maa na gbenɔ nɛ ma, konɛ o tu nya fo.

Yeremia 18:22

Ha nɛ ta nɛ ba tua mɛ tlukaa, nɛ bubuubui nɛ pɛ ngɛ a we ɔmɛ a mi. A tsua muɔ ngɔ fɔ si ha mi nɛ ma nɔ mi, nɛ a tsɔ mi klama nɛ ma du.

Luka 20:20

Lɔ ɔ he ɔ, a bɔni lɛ huɔmi. A ha ni komɛ sika, nɛ a tsɔ mɛ Yesu ngɔ. A bua pee a he kaa nihi nɛ ma lɛ munyu kɛkɛ bimi; se a juɛmi ji a yaa wo e nya tso kpɛ. Kɛkɛ ɔ, a maa ngɔ lɛ ngɔ ha Roma nikɔtɔma amɛ, konɛ a kojo lɛ, nɛ a gbe lɛ.