La 141:4 - BAIBLO ALOO NGMAMI KLƆUKLƆU Ɔ

⁴ Piɛ ye he, konɛ ma ko na yayami peemi he bua jɔmi; piɛ ye he, konɛ i kɛ yayami peeli ko bɔ; nɛ ko ha ma ya ye a niye ní ngɔngɔɛ ɔ eko.

La 141:4 ပူးပေါင်းရင်းမြစ်များ

Mose I, 27:14

Kɛkɛ nɛ Yakob ya nu apletsi ɔmɛ kɛ ba, nɛ e nyɛ kɛ mɛ pee niye ní nɛ ngɔɔ kaa bɔ nɛ e tsɛ Isak suɔ ɔ.

Matsɛmɛ I, 13:8

Gbalɔ ɔ de matsɛ ɔ ke, “Ke o ha mi o we ɔ fa tete po, i kɛ mo be yae; i be nɔ́ ko yee, nɛ nyu tete po i be nue ngɛ hiɛ ɔ.

Matsɛmɛ I, 22:22

Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’ Mumi ɔ he nɔ ke, ‘Ma ya nɛ ma ya ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

Matsɛmɛ I, 8:58

Yawɛ nɛ ha waa bu lɛ, bɔ nɛ pee nɛ waa ba wa je mi saminya kaa bɔ nɛ e suɔ, nɛ waa ye mlaa amɛ tsuo nɛ e wo wa nɛmɛ ɔmɛ ɔ, kɛ blɔ nya tomi ɔmɛ a nɔ.

La 119:36

Ha nɛ ma suɔ o mlaa amɛ mohu pe kaa ma na ní kpɔtɔɔ.

La 28:3

Koo bu mi fɔ kɛ si yiwutsotsɛmɛ, kɛ yayami peeli a nɔ. Nimli nɛ ɔmɛ, kɛ a nyɛmimɛ tuɔ munyu ngɛ he jɔmi mi. Se a tsui mi hyi kɛ yayami.

Yesaya 63:17

Yawɛ, mɛni he je o haa nɛ wa tlaa blɔ kɛ jeɔ o blɔ ɔmɛ a nɔ, nɛ wa kpliiɔ wa tsui, konɛ wa ko ye mo gbeye ɔ? Israel ma a, o nɔ, nɛ o tsɔli ji wɔ tsuo. Mo nitsɛ o nihi ji wɔ; lɔ ɔ he ɔ, kpale kɛ ba!

Mose IV, 25:2

Yi nɛ ɔmɛ kpeeɔ mɛ kɛ yaa niye ní nɛ a kɛ ba sã bɔ ha a mawu ɔmɛ ɔ a he. A yeɔ ní ɔ, nɛ a jaa mawu ɔmɛ hulɔ.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Mose V, 2:30

“Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.

Mose V, 29:4

Se kɛ ba si mwɔnɛ ligbi nɛ ɔ, e ha we nɛ nyɛɛ nu níhi nɛ nyɛɛ kɛ kpe ɔ a sisi lolo.

Yakobo 1:13

Ke a ka nɔ ko ɔ, e ko de ke Mawu lɛ ka lɛ. Ejakaa nɔ ko be nyɛe maa ka Mawu kaa e maa pee yayami lo. Pohu Mawu nitsɛ kɛ́ nɔ.

Kpojemi 18:4

Kɛkɛ nɛ i nu gbi kpa nɛ tu munyu kɛ je hiɔwe ke, “Ye ma! Nyɛɛ je kpo ngɛ e mi oo, nyɛɛ je ma a mi! Nyɛ ko ya piɛ ma mi bi ɔmɛ a he kɛ pee yayami, konɛ haomi nɛ ba a nɔ ɔ, ko ba nyɛ hu nyɛ nɔ!