La 141:2 - BAIBLO ALOO NGMAMI KLƆUKLƆU Ɔ

² Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

La 141:2 ပူးပေါင်းရင်းမြစ်များ

Matsɛmɛ I, 18:36

Gbɔkuɛ bɔ sami be ɔ, gbalɔ Eliya hɛ lɛ kɛ ba bɔ sami la tɛ ɔ he, nɛ e sɔle ke, “Yawɛ, Abraham, Isak, kɛ Yakob a Mawu lee, ha nɛ a le mwɔnɛ ɔ kaa mo ji Israel Mawu, nɛ o tsɔlɔ ji mi, nɛ i pee ní nɛ ɔmɛ tsuo ngɛ o fami nya.

Ezra 9:4

Nɔ́ nɛ Israel Mawu ɔ de ngɛ yayami nɛ nihi nɛ kpale kɛ je ma se kɛ ba a pee ɔ he ɔ, nihi babauu nu he. A kɛ he domi blibliibli ba bɔle mi kɛ kpe be mi nɛ i pee basaa kɛ hii si ɔ, hluu kɛ ya si gbɔkuɛ nya si bɔ sami be.

La 134:2

Nyɛ wo nyɛ nine nɔ ngɛ he klɔuklɔu ɔ, nɛ nyɛ je Yawɛ yi.

La 28:2

Ke i wo ye nine nɔ kɛ tsɔɔ o we klɔuklɔu ɔ, nɛ i fa kue kɛ bi mo yemi kɛ buami ɔ, moo bu mi tue.

La 5:3

Yawɛ, mɔtu ɔ, o nuɔ ye gbi. Ee, mɔtu ɔ, i faa kue kɛ haa mo, nɛ i mlɛɔ, konɛ o he nɔ.

La 63:4

Ma na mo si ye wami be ɔ tsuo; ma wo ye nine nɔ, nɛ ma fa kue ha mo.

Mose II, 29:39

Ngɔɔ jijɔ kake kɛ sã bɔ mɔtu, nɛ o kɛ kake hu nɛ sã bɔ gbɔkuɛ.

Mose II, 35:15

bɔ sami la tɛ ɔ nɛ a sãã tsopa kɛ e he via ngɛ nɔ ɔ, kɛ e tso ɔmɛ; nɔ pɔmi nu ɔ, tsopa kɛ e he via a; kpe he bo tsu ɔ sinya a nya bo ɔ,

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Daniel 9:21

Benɛ i ngɛ sɔlee kɛ mwɔɔ ɔ, Gabriel nɛ i na lɛ ngɛ kekleekle nina a mi ɔ te kɛ ba he nɛ i ngɛ ɔ. Jamɛ a be ɔ mi lɛ a sãã gbɔkuɛ bɔ ɔ nɛ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Mose IV, 16:35

Kɛkɛ nɛ la je Yawɛ ngɔ ba sã nimli lafa enyɔ kɛ nyingmi enuɔ ɔmɛ nɛ a ngɔ tsopa kɛ e he via a kɛ ba a.

Ni Tsumi 3:1

Ligbi ko piani ngmlɛ etɛ sɔlemi be ɔ, Petro kɛ Yohane nyɛɛ kɛ yaa sɔlemi we ɔ.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.