La 14:3 - BAIBLO ALOO NGMAMI KLƆUKLƆU Ɔ

³ Se mɛ tsuo a laa blɔ; mɛ tsuo pɛpɛɛpɛ a puɛ. Nɔ ko nɔ ko be nɛ peeɔ nɔ́ nɛ da; dɛbi, nɔ kake ngmelu po be.

La 14:3 ပူးပေါင်းရင်းမြစ်များ

Mose I, 6:12

Kɛkɛ nɛ Mawu na kaa je ɔ puɛ, ejakaa nimli ɔmɛ tsuo ngɛ yayami pee.

Hiob 14:4

Anɛ nɔmlɔ adesa ko ngɛ nɛ he tsɔ kɛ pi si lo? Dɛbi! Nɔ ko be.

Hiob 15:16

Nɛ mo, nɔmlɔ adesa nɛ o sa, nɛ se nami be o he ɔ! Mo nɛ o peeɔ yayami kaa bɔ nɛ a nuu nyu kumakuma a, kɛ maa pee kɛɛ nɛ moo o he ma tsɔ ngɛ Mawu hɛ mi?

La 119:176

I ngɛ lalaalo woe kaa to nɛ laa; mo hla imi, o tsɔlɔ ɔ koo! Ejakaa i je we ye hɛ ngɛ o mlaa amɛ a nɔ.

La 14:1

Kuasiahi a susumi ji, “Mawu ko be.” Mɛ tsuo a puɛ; ní yayamihi sɔuu lɛ a peeɔ; nɔ ko nɔ ko be nɛ peeɔ nɔ́ nɛ da.

La 143:2

O kɛ imi, o tsɔlɔ ɔ kó ye sane; ejakaa nɔmlɔ adesa ko adesa ko be nguɔ yee ngɛ o hɛ mi.

La 38:5

Ye pa amɛ sa, nɛ a he fu; ejakaa i je kuasia.

La 58:3

Yiwutsotsɛmɛ peeɔ yayami a wami be tsuo; kɛ je a fɔmi be ɔ, lakpa sɔuu a yeɔ.

Mose II, 12:30

Nyɔ ɔ mi ɔ, Farao ɔ te si; e kɛ e tsɔli ɔmɛ, kɛ Egipt bi ɔmɛ tsuo, nɛ a wo yana nguaa ngɛ Egipt, ejakaa we ko we ko be nɛ a gbo we ngɛ mi.

Mose II, 8:31

Yawɛ hu pee kaa bɔ nɛ Mose bi lɛ ɔ, nɛ e hwu pwɔlwɛ ɔmɛ kɛ je Farao ɔ, kɛ e tsɔli ɔmɛ, kɛ e ma mi bi ɔmɛ a he; pwɔlwɛ kake ngmelu po píɛ.

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Fiɛlɔ 7:29

Nɔ́ nɛ i na kɛkɛ ji kaa Mawu bɔ nɔmlɔ adesa nɛ e hi si saminya, se nɔmlɔ ba kase gɔdɔgɔdɔ si himi.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Yesaya 64:6

Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Romabi 3:23

Ejakaa nihi tsuo pee yayami, nɛ Mawu hɛ mi nyami ɔ bɔ mɛ.

1 Korintobi 6:5

Anɛ juɛmitsɛ kake too be nyɛ kpɛti nɛ ma nyɛ maa hyɛ nyɛmimɛ a kpɛti sane mi ha mɛ lo?

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

Mose V, 1:35

‘Ke kikɛmɛ a yi nɔ yaya bi nɛ ɔmɛ a ti nɔ ko na zugba kpakpa nɛ i ka he kita ke ma ngɔ ha nyɛ nɛmɛ ɔmɛ ɔ fii!