La 14:2 - BAIBLO ALOO NGMAMI KLƆUKLƆU Ɔ

² Yawɛ hyɛɛ nimli adesahi ngɛ zugba kɛ jeɔ hiɔwe. E hyɛɛ kaa e maa na nɔ ko nɛ le nɔ́, nɛ hlaa lɛ Mawu ɔ se blɔ lo.

La 14:2 ပူးပေါင်းရင်းမြစ်များ

Romabi 3:11

Ní lelɔ ko be ɔ, nɔ ko nɔ ko be nɛ hlaa Mawu se blɔ.

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Mose I, 6:12

Kɛkɛ nɛ Mawu na kaa je ɔ puɛ, ejakaa nimli ɔmɛ tsuo ngɛ yayami pee.

Daniel 12:10

A maa tsukɔ nihi babauu a he, nɛ a he ma tsɔ. Yiwutsotsɛmɛ be sisi nue; a maa ya nɔ maa pee yayami. Ní leli ɔmɛ lɛɛ a maa nu sisi.

Mateo 13:15

Nimli nɛ ɔmɛ kplii a tsui; A wa tue, konɛ a ko nu nɔ́. A ma a hɛngmɛ, konɛ a ko hyɛ nɔ́. A pee kikɛ nɛ ɔ, konɛ a ko nu níhi a sisi; nɛ a ba kpale kɛ ba ye ngɔ nɛ ma tsa mɛ.’

Kronika II, 19:3

Se kɛ̃ ɔ, su kpakpa komɛ ngɛ o mi; o je yo mawu Ashera amaga amɛ tsuo kɛ je zugba a nɔ, nɛ o bɔ mɔde kaa o maa pee Mawu suɔmi nya ní.”

Abɛ Womi 9:16

“Nɔ tsuaa nɔ nɛ be juɛmi ɔ, e ba hiɛ ɔ!” Nyumu kuasia hu, nɔ́ nɛ e deɔ lɛ ji,

La 82:5

“Nyɛ li nɔ́ ko nɔ́ ko fɛɛ! Nyɛ be juɛmi! Diblii mi kɛkɛ lɛ nyɛ ngɛ nyɛɛe. Dami sane yemi se po ngɛ je ɔ mi.

Yesaya 63:15

Yawɛ, moo hyɛ wɔ kɛ je hiɔwe ngɛ o hi he klɔuklɔu he nɛ hɛ mi nyami bɔle mo ngɛ ɔ. O hɛdɔ, kɛ o he wami kpetekpleenyɛ ɔ, jije e ngɛ? O tsui mi sami, kɛ suɔmi babauu ɔ hu a se po.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Yesaya 55:6

Be mi nɛ Yawɛ he kɛ we nɛ ɔ, nyɛ hla e se blɔ nɛ nyɛɛ fa kue ha lɛ.

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Abɛ Womi 8:5

Nyɛ nɛ nyɛ be juɛmi ko juɛmi ko, nyɛɛ le ní; nyɛ kuasiahi, nyɛ na juɛmi.

Abɛ Womi 2:9

Ke o bu mi tue ɔ, o maa le nɔ́ nɛ hi, kɛ blɔ nɔ́ nɛ da. O maa le nɔ́ nɛ sa mo peemi.

La 92:6

Nɔ nɛ biɛ be enɛ ɔ lee; kuasia hu be sisi nue.

Kɔmɔ Yemi 3:50

ma pee jã kɛ yaa si Yawɛ nitsɛ maa na kɛ je hiɔwe.

Abɛ Womi 9:4

“Nyɛ nihi tsuo nɛ nyɛ be juɛmi ɔ, nyɛ gba hiɛmɛ nɛ ɔ!” Nɔ́ nɛ e ngɛ kuasia hu dee ji,

La 107:43

Nɔ nɛ ji ní lelɔ ɔ, e susu ní nɛ ɔmɛ a he. Nihi tsuo nɛ a susu Yawɛ suɔmi nɛ ngɛ daa a he.

Mose I, 18:21

Lɔ ɔ he ɔ, i yaa lejɛ ɔ nɛ ma ya hyɛ kaa níhi nɛ i nu ngɛ a he ɔ, e ngɛ mi ja, loo e be mi.”

Mose I, 11:5

Kɛkɛ nɛ Yawɛ kple si nɛ e ba hyɛ ma a, kɛ mɔ ɔ nɛ jamɛ a ni ɔmɛ ma a,

Yesaya 64:1

I ná nɛ hiɔwe mi gba enyɔ nɛ o kple si kɛ ba!

La 69:32

Ke nɔ́ nali na a, a bua maa jɔ. Nyɛ ni nɛmɛ nɛ nyɛ ngɛ Mawu se blɔ hlae ɔ, nyɛ nɔ gbagba nɛ te.

Kronika II, 30:19

“Yawɛ, wa nɛmɛ a Mawu nɛ o naa mɔbɔ lee! Nihi tsuo nɛ a ngɛ mo jae kɛ a tsui tsuo, se kɛ̃ ɔ a he tsɔ we ɔ, ngɔɔ a he yayami ɔmɛ kɛ pa mɛ.”

Hiob 15:14

Anɛ nɔmlɔ ko ngɛ nɛ e he tsɔ lo? Nɔmlɔ nɛ yo fɔ lɛ ɔ, anɛ dalɔ ji lɛ ngɛ Mawu hɛ mi lo?

La 11:4

Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.