La 139:3 - BAIBLO ALOO NGMAMI KLƆUKLƆU Ɔ

³ Ke i ma blɔ ɔ, o le nɛ ke i hwɔ si hu o le; ee, ye ní peemi níhi tsuo o le.

La 139:3 ပူးပေါင်းရင်းမြစ်များ

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Hiob 31:4

Mawu le nɔ́ tsuaa nɔ́ nɛ i peeɔ; e le ye blɔ ɔmɛ tsuo.

Fiɛlɔ 12:14

Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

La 139:18

Ke i ke ma kane mɛ ɔ, i be nyɛe, ejakaa a he hiɛ babauu pe zia. Loko ye hɛ maa tsɛ po o ngɛ ye he susue momo.

Yesaya 29:15

Musu tloo nihi nɛ hlaa kaa a maa ngɔ ga nɛ a to ngɛ a yi mi ɔ kɛ laa Yawɛ. A toɔ a ga amɛ ngɛ laami mi, nɛ a susuu kaa nɔ ko nɔ ko be mɛ nae, nɛ nɔ́ nɛ a ngɛ pee ɔ hu nɔ ko nɔ ko be lee.

Samuel II, 11:27

Benɛ e nyɛ ya ha lɛ gbe nya a, David tsɔ ya ngɔ lɛ kɛ ba e we ɔ mi, nɛ e ba pee e yo; nɛ e fɔ binyumu ha lɛ. Se nɔ́ nɛ David pee nɛ ɔ ngɔɛ Yawɛ nya.

Yohane 13:21

Benɛ Yesu de ní nɛ ɔmɛ ɔ, e hao wawɛɛ ngɛ mumi mi; nɛ e gba mi kpoo nɛ e de ke, “I ngɛ nyɛ dee anɔkuale mi ke, nyɛ ti nɔ kake maa tsɔɔ ye se blɔ.”

Yohane 13:2

Gbɔkuɛ, benɛ Yesu kɛ e kaseli ɔmɛ ba bua kɛ ngɛ ní yee ɔ, jamɛ a be ɔ, Abosiami wo Simon Iskariot bi Yuda yi mi momo kaa e tsɔɔ Yesu se blɔ.

Samuel II, 8:14

David to tabohi a hi hehi ngɛ Edom zugba a nɔ tsuo; nɛ Edom bi ɔmɛ ba plɛ pee e sɔmɔli. Yawɛ ha David ye kunimi ngɛ he tsuaa he.

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Hiob 23:10

Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.

La 119:168

I yeɔ o mlaa amɛ, kɛ blɔ nya tomi ɔmɛ tsuo a nɔ; o le ye yami kɛ bami mi fitsofitso.