La 137:7 - BAIBLO ALOO NGMAMI KLƆUKLƆU Ɔ

⁷ Yawɛ, mo kai nɔ́ nɛ Edom bi ɔmɛ pee Yerusalem ligbi ko ɔ. Edom bi ɔmɛ de ke, “Nyɛɛ ku ma a kɛ pue si; nyɛɛ ku lɛ pue si kɛ ya su e sisi tomi ɔmɛ tɔɔ!”

La 137:7 ပူးပေါင်းရင်းမြစ်များ

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Ezekiel 35:2

E ke, “Nɔmlɔ adesa, plɛ o hɛ mi kɛ kpee Edom zugba a, nɛ o gba kɛ si lɛ.

Hosea 7:2

E bɛ a juɛmi mi gblee kaa bɔ tsuaa bɔ nɛ pee ɔ, a he yayami nɛ ɔmɛ tsuo fɔɔ si paa ngɛ ye hɛ mi nɛ i ngɛ hyɛe.”

La 74:18

Se Yawɛ mo kai kaa o he nyɛli ɔmɛ muɔɔ mo; nimli nɛ li Mawu ngɛ o biɛ he guɛ gbee.

Samuel I, 15:2

Yawɛ maa gbla Amalek bi ɔmɛ a tue, ejakaa a nɛmɛ ɔmɛ ya po Israel bi ɔmɛ blɔ benɛ a je Egipt kɛ ma a.

Mose II, 17:14

Yawɛ de Mose ke, “Ngmaa nɔ nɛ ɔ kɛ wo womi mi nɛ e pee kaimi nɔ́. Ha nɛ e su Yoshua kaa ma kpata Amalek bi ɔmɛ a hɛ mi, nɛ a be mɛ kaie hu ngɛ zugba a nɔ.”

Nehemia 6:14

I sɔle ke, “Mawu, i kpa mo pɛɛ nɛ o kai nɔ́ nɛ Tobia kɛ Sanbalat pee ɔ, nɛ o gbla a tue. Mo kai jamɛ a gbalɔyo Nodia, kɛ gbali kpa amɛ nɛ a ka kaa a maa wo ye he gbeye ɔ.”

Ezekiel 35:15

Benɛ ye ma Israel nɔ si nɛ e pee pasaa a, o nya. Jehanɛ lɛɛ Seir yo ɔmɛ, kɛ Edom zugba a tsuo maa pee pasaa kulaa. Kɛkɛ ɔ, nɔ tsuaa nɔ maa le kaa imi ji Yawɛ.”