La 137:3 - BAIBLO ALOO NGMAMI KLƆUKLƆU Ɔ

³ Ejakaa nihi nɛ nuu wɔ kɛ ho ma se ya a de wɔ ke wa la ha mɛ. Nihi nɛ ngɛ wɔ haoe ɔ suɔ kaa wa je a hɛja; a de wɔ ke, “Nyɛ la Zion la amɛ eko ha wɔ!”

La 137:3 ပူးပေါင်းရင်းမြစ်များ

Luka 21:6

“Enɛ ɔmɛ tsuo nɛ nyɛ ngɛ hyɛe nɛ ɔ, be ma nɛ a maa tsɛ̃ ngɔ fia si bum! A be tɛ ngmelu kake po sie ngɛ e blɔ he.”

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Yeremia 26:18

“Yuda matsɛ, Hezekia yi nɔ ɔ, gbalɔ Mika nɛ je Moreshet ɔ de Yuda ma a tsuo ke, ‘A ma hu Zion kaa a huɔ ngmɔ. Yerusalem ma hyi tɔ kɛ ní kokoehi nɛ a bua nya glekugleku, nɛ yoku ɔ nɔ he nɛ we ɔ maa si ngɛ ɔ ma plɛ pee hue.’

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

La 80:6

Je mahi nɛ bɔle wɔ ɔ, o haa nɛ a kɛ wɔ ba pleeɔ wa zugba a he, nɛ wa he nyɛli ɔmɛ muɔɔ wɔ bɔ nɛ a suɔ.

La 79:1

Mawu, ma je li ɔmɛ ba tua o zugba a. A ble o we klɔuklɔu ɔ, nɛ a pee Yerusalem ma doku.

La 65:1

Mawu, e sa kaa a je o yi ngɛ Zion, nɛ sihi nɛ a wo mo ɔ, a ye nɔ.

La 9:14

konɛ ma na bua jɔmi nɛ ma je o yi ngɛ Yerusalem bi ɔmɛ a hɛ mi; nɛ ma nya kɛ tsɔɔ kaa o he ye yi wami.

Nehemia 4:2

E de ngɛ e nyɛmimɛ, ɔmɛ kɛ Samaria ta buli ɔmɛ a hɛ mi ke, “Mɛni Yuda bi wudɔwudɔ nɛ ɔmɛ ngɛ pee nɛ ɔ? Ma a gbogbo ɔmɛ nɛ a to a yi mi kaa a maa fia ekohu lo? Anɛ a susu kaa bɔ ɔmɛ nɛ a ngɛ sãe ɔ ma ha a maa ngɔ ligbi kake pɛ kɛ gbe ní tsumi ɔ nya lo? Anɛ a ma nyɛ ma ha gli kokoehi nɛ sã pueɔ si nɛ ɔ ma plɛ pee tsu mami tɛhi lo?”

Kronika I, 16:7

Jamɛ a ligbi ɔ ji kekleekle be nɛ David ngɔ he blɔ nɛ ɔ ngɔ ha Asaf, kɛ e nyɛmimɛ Levi bi ɔmɛ kaa a la nɛ a kɛ je Yawɛ yi.

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Kronika I, 15:27

David, Levi bi ɔmɛ nɛ hɛɛ daka a, lali ɔmɛ, kɛ la jelɔ ɔ nɛ a tsɛɛ lɛ Kenania a tsuo wo kploba tade klɔii saminyawiiwi. David wo efɔd nɛ a kɛ kploba kpɛ.

Abɛ Womi 25:20

Ke nɔ ko ngɛ kɔmɔ yee, nɛ moo o ngɛ bua jɔmi la lae ngɛ e kasa nya a, e ngɛ kaa nɔ́ nɛ o ngɛ kɔmɔ yelɔ ɔ bo kpae ngɛ e he fĩɛ be mi, aloo o kɛ ngo ngɛ e pá nɔ puee.