La 137:1 - BAIBLO ALOO NGMAMI KLƆUKLƆU Ɔ

¹ Babilon pa amɛ a tue wa hi si ngɛ nɛ wa wo yana, benɛ wa kai Zion ɔ.

La 137:1 ပူးပေါင်းရင်းမြစ်များ

Ezekiel 1:1

Jeha nyingmi etɛne ɔ we nyɔhiɔ eywiɛne ɔ we ligbi enuɔne ɔ, imi osɔfo Ezekiel, Buzi bi ɔ, i kɛ Yuda bi ɔmɛ nɛ a nuu kɛ ho ma se ya a, wa ngɛ Kebar pa a nya ngɛ Babilonia. Hiɔwe nya bli, nɛ i na Mawu he ninahi.

Ezekiel 3:15

Kɛkɛ nɛ i ba su Tel Abib ngɛ Kebar pa a nya. Nihi nɛ a nuu kɛ ho ma se ya a, lejɛ ɔ ji he nɛ a ngɛ. I hi lejɛ ɔ ligbi kpaago sɔuu; nɛ nɔ́ nɛ i na, kɛ nɔ́ nɛ i nu ɔ wo ye he gbeye, nɛ ye he mi po.

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Ezekiel 1:3

Yawɛ tu munyu, nɛ i nu. Yawɛ he wami ba ye nɔ ngɛ Kebar pa a nya ngɛ Babilonia.

Kɔmɔ Yemi 3:48

Vo nyu ngɛ ye hɛngmɛ mi jee kɛ ngɛ si puee kaa pa nɛ hia kɛ bee; ejakaa a kpata ye ma a hɛ mi.

Kɔmɔ Yemi 2:18

Yerusalem lee, moo fa kue boboobo nɛ o tsɛ Nyɔmtsɛ ɔ! Ha nɛ o vo nyu ɔmɛ nɛ a hi bee kaa pa nyɔ kɛ pia. Koo jɔɔ ya fomi, nɛ ko kpa kɔmɔ yemi hulɔ.

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Yeremia 15:17

I ya piɛ we nihi nɛ ngɛ mle yee ɔ a he; i kɛ mɛ muɛ, nɛ i kɛ mɛ nya we. Se imi nɔ kake too i hi si kaa bɔ nɛ o fa mi ke ma pee ɔ; ejakaa o ha nɛ ye mi mi fu wawɛɛ nitsɛ.

La 42:4

Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.

Nehemia 2:3

nɛ i he nɔ ke, “Nɛnɛ, o yi nɛ na wa daa! Mɛni he je e sɛ kaa ye hɛ mi nɛ pee mɔbɔmɔbɔ, be mi nɛ ma nɛ a pu ye nɛmɛ ngɛ mi ɔ ku kɛ pueɔ si, nɛ la sã agbo ɔmɛ ɔ?”

Ezra 8:31

Kekleekle nyɔhiɔ ɔ we ligbi nyɔngma kɛ enyɔ ɔ, wa je Ahava pa a nya, nɛ wa pue nɔ kɛ yaa Yerusalem. Wa Mawu ɔ piɛ wa he, nɛ he nyɛli, kɛ nihi nɛ wo wɔ ká tsuo nyɛ we nɛ a pee wɔ nɔ́ ko.

Ezra 8:21

Benɛ wa ngɛ Ahava pa a nya a, i fa ke nɔ tsuaa nɔ nɛ ha hwɔ, nɛ́ wɔ tsuo waa ba wa he si ngɛ wa Mawu ɔ hɛ mi, konɛ waa fa kue ha lɛ ke e fia blɔ mi tso ha wɔ, nɛ́ e baa wɔ, wa bimɛ, kɛ wa weto ní tsuo yi.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.

Kɔmɔ Yemi 3:51

Ke i hyɛ nɔ́ nɛ ba yihewi ɔmɛ a nɔ ngɛ ma a mi ɔ, i haoɔ wawɛɛ.

Yesaya 66:10

Nyɛ nihi tsuo nɛ nyɛ suɔ Yerusalem ɔ, nyɛ bua nɛ jɔ nyɛ he nɛ nyɛɛ kɛ lɛ nɛ nya. Nyɛ nihi tsuo nɛ nyɛ ye kɔmɔ ha lɛ ɔ, jehanɛ lɛɛ nyɛɛ kɛ lɛ tsuo nyɛ na bua jɔmi!

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Yeremia 13:4

“Ngɔɔ bɔjuɛ nɛ o ya he, nɛ ngɛ o mlɛ mi ɔ kɛ ya Yufrate pa a nya, nɛ o kɛ ya laa ngɛ tɛ sa amɛ a kpɛ ngɛ lejɛ ɔ.”

Yeremia 51:13

Pahi fuu ngɛ jamɛ a zugba a nɔ, nɛ a juetli hu hiɛ babauu. Se a nyagbe ɔ su; a po a wami kpa a.