La 136:6 - BAIBLO ALOO NGMAMI KLƆUKLƆU Ɔ

⁶ Lɛ nɛ e ngɔ zugba a kɛ ha nyu ɔ hɛ mi; ejakaa e suɔmi ɔ ngɛ kɛ yaa neneene!

La 136:6 ပူးပေါင်းရင်းမြစ်များ

La 24:2

Lɛ nɛ bɔ je ɔ kɛ fɔ wo ɔ nɔ; lɛ nɛ to je ɔ sisi ngɛ pahi a nɔ.

Yeremia 10:12

Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Mose I, 1:9

Enɛ ɔ se ɔ, Mawu fa ke, “Nyu ɔ nɛ ngɛ hiɔwe ɔ sisi ɔ nɛ bua e he nya ngɛ he kake, konɛ zugba gbigbli nɛ je kpo.” Nɛ e ba mi ja.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yesaya 42:5

Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Hiob 26:7

Mawu gbla omleyi je hiɔwe ɔ mi, nɛ e ngɔ je ɔ ngɔ kpla si nɛ nɔ́ ko hɛɛ we lɛ.

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Hiob 37:18

Hiɔwe ɔ nɛ he wa kpakpataa kaa ahuhuɛ nɛ a sile, nɛ a puɛ ngɔ ma si ɔ, anɛ o ma nyɛ maa gbla mi kaa bɔ nɛ lɛ Mawu ɔ, e pee ɔ lo?