La 136:3 - BAIBLO ALOO NGMAMI KLƆUKLƆU Ɔ

³ Nyɛɛ na nyɔmtsɛmɛ a Nyɔmtsɛ ɔ si; ejakaa e suɔmi ɔ ngɛ kɛ yaa neneene!

La 136:3 ပူးပေါင်းရင်းမြစ်များ

Mose V, 10:17

Yawɛ, nyɛ Mawu ɔ ji Mawu nɛ pe mawuhi tsuo kulaa, nɛ e he wami se be. E ji Mawu nɛ kle, nɛ e he wa; nɛ e sa nɛ a ye lɛ gbeye. E hyɛ we nɔ hɛ mi, nɛ e he we nyɔ mi ní.

1 Timoteo 6:15

Mawu pɛ ji je ɔ tsuo nɔ yelɔ nɛ pe kulaa. Lɛ ji matsɛmɛ a matsɛ, kɛ nyɔmtsɛmɛ tsuo a nyɔmtsɛ. E ma je Kristo kpo kɛ tsɔɔ ngɛ lɛ nitsɛ e be nɛ e to nɛ sa a mi.

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”