La 135:9 - BAIBLO ALOO NGMAMI KLƆUKLƆU Ɔ

⁹ Lɛ nɛ tsu nyakpɛ ní nguanguahi kɛ gbla Egipt matsɛ ɔ, kɛ e tsɔli ɔmɛ a tue.

La 135:9 ပူးပေါင်းရင်းမြစ်များ

La 136:15

Se Egipt matsɛ ɔ kɛ e ta a lɛɛ e kpata a hɛ mi ngɛ Wo Tsu ɔ mi; ejakaa e suɔmi ɔ ngɛ kɛ yaa neneene!

Mose V, 6:22

Yawɛ ha okadihi, kɛ nyakpɛ ní nguanguahi nɛ ngɛ gbeye ba Egipt bi ɔmɛ, kɛ a matsɛ ɔ, kɛ e we ɔ tsuo nɔ ngɛ wɔ tsuo wa hɛ mi.

Ni Tsumi 7:36

Lɛ nɛ e nyɛɛ a hɛ mi kɛ je Egipt, nɛ e pee nyakpɛ níhi, kɛ okadihi ngɛ lejɛ ɔ, kɛ Wo Tsu ɔ mi, kɛ nga a nɔ jeha nyingmi eywiɛ.

Nehemia 9:10

O pee okadihi, kɛ nyakpɛ níhi ngɛ Farao ɔ, kɛ e ma ní tsuli ɔmɛ, kɛ e ma a tsuo a hɛ mi, ejakaa o le bɔ nɛ a wa o ma a yi mi. O he biɛ kɛ je jamɛ a be ɔ mi tɔɔ kɛ ba su mwɔnɛ ɔ.

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

La 78:12

Mawu pee nyakpɛ ní babauu ngɛ a nɛmɛ ɔmɛ a hɛ mi, ngɛ Zoan nga kplanaa a nɔ, ngɛ Egipt zugba a mi.