La 135:7 - BAIBLO ALOO NGMAMI KLƆUKLƆU Ɔ

⁷ Lɛ nɛ e haa bɔku teɔ si ngɛ je ɔ nyagbe he; e pee oslabai kɛ ha hiɔmi, nɛ e jeɔ kɔɔhiɔ kpo kɛ jee e to he ɔmɛ.

La 135:7 ပူးပေါင်းရင်းမြစ်များ

Matsɛmɛ I, 18:1

Pee se ngɛ jeha etɛne ɔ mi ɔ, Yawɛ de Eliya ke, “Yaa nɛ o kɛ o he ya tsɔɔ Matsɛ Ahab, nɛ ma ha hiɔmi maa nɛ.”

Hiob 5:10

Lɛ nɛ e haa nɛ hiɔmi nɛɔ kɛ pueɔ zugba; nɛ e haa nɛ ngmɔ ɔmɛ naa nyu.

La 107:25

E fa nɛ ahumi fia, nɛ wo oslɔkehi te si.

La 148:8

La, gbiɛ ngo ngu, snoo, bɔ nɛ fi, kɛ ahumi nɛ nyɛ ngɛ Yawɛ tsɔmi nɔ, nyɛ je e yi!

La 78:26

E ha nɛ beleku kɔɔhiɔ fia ngɛ hiɔwe, nɛ e kɛ e he wami kpaka leneyi kɔɔhiɔ kɛ ba.

Yeremia 10:13

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ lɛ haa afua teɔ si kɛ jeɔ zugba a nyagbe he ɔmɛ. E haa oslabai gbaa be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yeremia 51:16

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ haa nɛ afua teɔ si kɛ jeɔ zugba a nyagbe he ɔmɛ. E haa oslabai gbaa, be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Yona 1:4

Se Yawɛ ha kɔɔhiɔ nɛ nya wa ko hia ngɛ wo ɔ nɔ, nɛ wo kɔɔhiɔ nɛ ɔ he wami ɔ miɔ nɛ e maa ywia lɛ ɔ.

Zakaria 10:1

Nyɛɛ fa kue ha Yawɛ, konɛ e ha nɛ hiɔmi nɛ nɛ gbo kɛ gbiɛ. Ejakaa Yawɛ lɛ haa bɔku hiaa ngɛ ahumi mi; lɛ nɛ e haa hiɔmi nɛɛɔ, nɛ nɔ tsuaa nɔ ngmɔ baa ní.

Yohane 3:8

Kɔɔhiɔ ɔ, e fiaa kɛ yaa he tsuaa he nɛ e suɔ; o nuɔ e fiami ɔ, se he nɛ e je, kɛ he nɛ e yaa lɛɛ o li. Kikɛ nɛ ɔ nɔ tsuaa nɔ nɛ a je Mumi mi fɔ lɛ ɔ ngɛ.”