La 132:9 - BAIBLO ALOO NGMAMI KLƆUKLƆU Ɔ

⁹ Ha nɛ o we osɔfo ɔmɛ nɛ a pee nɔ́ nɛ da be tsuaa be, nɛ o ni klɔuklɔu ɔmɛ nɛ a hwɔ lele!

La 132:9 ပူးပေါင်းရင်းမြစ်များ

Kronika II, 6:41

Yawɛ Mawu, jehanɛ lɛɛ moo te si nɛ o ba sɛ o we ɔ mi, he nɛ somi daka a nɛ tsɔɔ o he wami ɔ ngɛ ɔ. Moo gbaa o we osɔfo ɔmɛ kɛ yi wami hemi, konɛ nihi nɛ yeɔ mo anɔkuale ɔ nɛ a na bua jɔmi ngɛ ní kpakpahi nɛ o peeɔ kɛ haa mɛ ɔ a he.

Hiob 29:14

Be tsuaa be ɔ, i yeɔ dami sane, nɛ i peeɔ nɔ́ nɛ da.

La 104:1

Ma je Yawɛ yi! Yawɛ ye Mawu, o kle! O hɛ mi nyami, kɛ o he wami kpetekpleenyɛ ɔ ngɛ kaa bo nɛ o kɛ ha o he.

La 132:16

Ma gbaa osɔfo ɔmɛ a ní tsumi nɔ, nɛ ma a mi bi ɔmɛ ma hwɔ lele!

La 149:5

Ni klɔuklɔu ɔmɛ nɛ a hwɔ lele kɛ tsɔɔ kaa a ye kunimi niinɛ, nɛ a la kɛ bua jɔmi nyɔ mi tsuo.

La 47:1

Je ma amɛ tsuo, nyɛɛ fia nyɛ dɛ mi! Nyɛɛ kɛ bua jɔmi nɛ he ose kɛ je Mawu yi!

La 68:3

Se nihi nɛ peeɔ nɔ nɛ da a, mɛɛ lɛɛ a nya, nɛ a la kɛ bua jɔmi ngɛ Mawu hɛ mi.

La 70:4

Se nihi tsuo nɛ hlaa o se blɔ ɔ, ha nɛ a nya, nɛ a na bua jɔmi. Ni nɛmɛ nɛ suɔ kaa o he a yi wami ɔ, ha nɛ a de daa ke, “Mawu kle!”

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 65:14

Ye sɔmɔli ɔmɛ ma la, nɛ a bua maa jɔ a he, se nyɛɛ lɛɛ nyɛ ma kpa huhui, nɛ nyɛ maa ye nyɛ tsui wawɛɛ; nyɛ maa ye kɔmɔ, nɛ nyɛ ma fo ya mɔbɔmɔbɔ.

Zefania 3:14

Yerusalem bi, nyɛ la kɛ bua jɔmi; Israel ma, nyɛ hwɔ lele. Yerusalem bi, nyɛ nya nɛ nyɛ bua nɛ jɔ nyɛ he.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

Kpojemi 19:8

Mawu ha lɛ tade nɛ a kɛ kploba ngmingmiingmi nɛ ngɛ kpɛe klaiklai pee.” Ní kpakpahi nɛ ni klɔuklɔu ɔmɛ peeɔ ɔ, lɔ ɔ ji kploba a nɛ.

Manyadali 5:31

Yawɛ, ha o he nyɛli ɔmɛ tsuo a hɛ mi nɛ kpata kaa kikɛ nɛ ɔ. Se o huɛmɛ ɔmɛ lɛɛ ha nɛ a pee kaa pu nɛ ngɛ si tee kɛ he wami! Nɛ zugba a nɔ jɔ jeha nyingmi eywiɛ.