La 132:6 - BAIBLO ALOO NGMAMI KLƆUKLƆU Ɔ

⁶ Wa nu somi daka a he ngɛ Betlehem, nɛ wa ya na ngɛ Yearim ngmɔ ɔmɛ a mi.

La 132:6 ပူးပေါင်းရင်းမြစ်များ

Samuel I, 17:12

Efraim no ɔ nɛ a tsɛɛ lɛ Ishai ɔ binyumu ji David. E je Betlehem ngɛ Yuda. Ishai ngɛ binyumuhi kpaanyɔ; nɛ benɛ Saul ngɛ matsɛ yee ɔ, lɛɛ e bwɔ momo.

Samuel I, 7:1

Kiriat Yearim bi ɔmɛ ba nɛ a ba ngɔ Yawɛ somi daka a kɛ ho nyumu ko nɛ a tsɛɛ lɛ Abinadab ɔ we mi ya, ngɛ yoku ko nɔ. A wo e binyumu Eleazar osɔfo, konɛ e hyɛ Yawɛ somi daka a nɔ.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mose I, 35:19

Benɛ Rahel gbo ɔ, a pu lɛ ngɛ blɔ nɛ yaa Efrat ɔ he. Amlɔ nɛ ɔ lɛɛ a tsɛɛ Efrat ma a ke Betlehem.

Samuel II, 6:3

A ya ngɔ somi daka a ngɛ Abinadab we ɔ mi ngɛ yoku ɔ nɔ, nɛ a kɛ ma tlɔɔke he mi. Abinadab binyumuhi Uza, kɛ Ahio ji ni nɛmɛ nɛ ngɛ tlɔɔke ɔ nɛ Mawu daka a ngɛ mi ɔ blɔ tsɔɔe;