La 132:14 - BAIBLO ALOO NGMAMI KLƆUKLƆU Ɔ

¹⁴ E de ke, “Hiɛmɛ nɛ ɔ ma hi kɛ maa ya neneene; hiɛmɛ nɛ ɔ ma jɔɔ ye he ngɛ; ejakaa i suɔ hiɛmɛ nɛ ɔ.

La 132:14 ပူးပေါင်းရင်းမြစ်များ

La 132:8

Yawɛ, mo wo o he nɔ, nɛ o ba o he jɔɔmi he ɔ; ngɔɔ somi daka a nɛ ji o he wami okadi ɔ hu kɛ ba.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

La 135:21

Nyɛ je Yawɛ yi ngɛ Zion; nyɛ je e yi ngɛ e we ɔ mi ngɛ Yerusalem. Nyɛ je Yawɛ yi!

La 87:2

E suɔ Yerusalem pe hehi tsuo ngɛ Israel.

La 76:2

E we ngɛ Yerusalem, Zion ji he nɛ e hii.

Matsɛmɛ I, 8:13

Jehanɛ lɛɛ, i po we saminyayoo ko ha mo nɛ o hi lejɛ ɔ kɛ ya neneene.”

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Yesaya 8:18

Nyɛ nɛ mi, kɛ ye bimɛ ɔmɛ nɛ Yawɛ ke mi ɔ. Yawɛ Tabohiatsɛ ɔ nɛ e matsɛ sɛ ngɛ Zion yo ɔ nɔ ɔ tsɔ wɔ ke waa ngɔ sɛ gbi nɛ ɔmɛ kɛ ba ha Israel ma a.

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

Efesobi 2:22

Nyɛ hu mumi ɔ ngɔ nyɛɛ kɛ ni nɛmɛ nɛ heɔ yeɔ tsuo ngɔ mɛtɛ Kristo he, nɛ nyɛ ba pee Mawu sihi he.

Mateo 23:21

Jã kɛ̃, ke nɔ ko kɛ sɔlemi we ɔ ka kita a, blɔɔ sɔlemi we ɔ, kɛ Mawu nɛ hii lejɛ ɔ e kɛ ka kita a nɛ.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

La 68:16

Yo nɛ Mawu hla ha e he ɔ, mɛni he je nyɛ yo gojogojoohi nyɛ hɛ ngɛ e nɔ kɔ̃e? Ee, lejɛ ɔ Yawɛ maa hi kɛ maa ya neneene!

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Matsɛmɛ I, 9:3

Yawɛ de lɛ ke, “I nu o kue fami ɔ. I pee we nɛ o po nɛ a ja mi ngɛ mi nɛ ɔ klɔuklɔu kɛ yaa neneene. Ma hyɛ we ɔ nɔ, nɛ ma bu he daa.

Kronika I, 23:25

David de ke, “Yawɛ, Israel Mawu ɔ ha e ma a tue mi jɔmi, nɛ lɛ nitsɛ e maa hi Yerusalem daa.