La 132:12 - BAIBLO ALOO NGMAMI KLƆUKLƆU Ɔ

¹² Ke o bimɛ ɔmɛ maa ye ye somi ɔ nɔ, nɛ ye mlaa amɛ nɛ ma wo mɛ ɔ hu a maa ye a nɔ ɔ, lɛɛ a bimɛ hu ma ba hi o sɛ ɔ nɔ kɛ maa ya neneene.”

La 132:12 ပူးပေါင်းရင်းမြစ်များ

Ni Tsumi 2:30

Gbalɔ ji lɛ, nɛ si nɛ Mawu wo lɛ ɔ, e le. Mawu wo David si kaa e ma ha e nina ma ba ye tsɛ kaa bɔ nɛ lɛ David ɔ ye tsɛ ɔ.

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

La 115:14

Yawɛ nɛ ha nyɛɛ bɔ saminya, nyɛɛ kɛ nyɛ bimɛ tsuo.

La 102:28

Wɔ, o tsɔli ɔmɛ, wa bimɛ ɔmɛ a yi ma na wami, nɛ a nina kɛ mo maa hi si ngɛ he jɔmi mi.

Matsɛmɛ I, 2:4

Ke o bu Yawɛ tue ɔ, si ko nɛ e wo benɛ e de mi ke, ke ye binyumu ɔmɛ maa hyɛ a he nɔ saminya, nɛ a maa ye e mlaa amɛ a nɔ anɔkuale mi kɛ a tsui tsuo, kɛ a klaa tsuo ɔ, lɛɛ nɔ nɛ maa hi Israel matsɛ sɛ ɔ nɔ be mi bɔe ɔ, Yawɛ hu maa ye jamɛ a e siwo ɔ nɔ.

Matsɛmɛ I, 8:25

Lɔ ɔ he ɔ, Yawɛ, Israel Mawu, i kpa mo pɛɛ, si nɛ o wo tsaatsɛ benɛ o de lɛ ke ke e binyumu ɔmɛ maa bu mo tue kɛ pi si kaa bɔ nɛ e pee ɔ, a maa ye tsɛ ngɛ Israel kɛ maa ya neneene ɔ, ha jamɛ a siwo ɔ hu nɛ ba mi.

Kronika II, 7:18

lɛɛ si ko nɛ i wo o tsɛ David ɔ, ma ye nɔ. Imi lɛ i de lɛ ke ma ha e nina maa ye tsɛ ngɛ Israel kɛ maa ya neneene ɔ nɛ.

Yeremia 33:17

Imi, Yawɛ, i ngɛ si woe kaa David nina maa ye matsɛ ngɛ Israel ma a nɔ daa.