La 132:11 - BAIBLO ALOO NGMAMI KLƆUKLƆU Ɔ

¹¹ Yawɛ, kita nɛ o ka David nɛ o be o nya se kpalee ji, “Ma wo o bimɛ ɔmɛ a ti nɔ kake matsɛ, nɛ e maa ye tsɛ ngɛ o se.

La 132:11 ပူးပေါင်းရင်းမြစ်များ

Samuel II, 7:12

Ke o gbo, nɛ a ya dla mo ngɛ o nɛmɛ ɔmɛ a hwɔ he ɔ, ma tle nɔ ko si ngɛ o se, nɛ ji mo nitsɛ o mi mi bi; nɛ ma to e matsɛ yemi ɔ sisi.

La 110:4

Yawɛ ka kita nɛ ɔ, nɛ e be e nya se kpalee, “Osɔfo ji mo kɛ yaa neneene kaa Melkizedek pɛ.”

Ni Tsumi 2:30

Gbalɔ ji lɛ, nɛ si nɛ Mawu wo lɛ ɔ, e le. Mawu wo David si kaa e ma ha e nina ma ba ye tsɛ kaa bɔ nɛ lɛ David ɔ ye tsɛ ɔ.

Kronika II, 6:16

Lɔ ɔ he ɔ, Yawɛ, Israel Mawu lee, i kpa mo pɛɛ, si nɛ o wo tsaatsɛ, benɛ o de lɛ ke, ke e binyumu ɔmɛ maa ye o mlaa a nɔ sisiisi kaa bɔ nɛ e pee ɔ, a maa ye tsɛ ngɛ Israel kɛ maa ya neneene ɔ, ha jamɛ a siwo ɔ hu nɛ ba mi.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

Luka 1:32

E ma ba pee nɔmlɔ nguaa, nɛ a ma tsɛ lɛ ke Hiɔwe No ɔ Bi. Nyɔmtsɛ Mawu maa pee lɛ matsɛ kaa bɔ nɛ e pee e nɛ̃ David ɔ.

La 89:37

E matsɛ yemi ɔ maa hi si daa kaa nyɔhiɔ, jamɛ a anɔkuale odase ɔ nɛ ngɛ hiɔwe ɔ.”

La 89:35

“I kɛ ye biɛ klɔuklɔu ɔ wo si kaa i be David lakpa yee gblegbleegble.

La 89:33

Se kɛ̃ ɔ, suɔmi nɛ i ngɛ kɛ ha mɛ ɔ, jamɛ a suɔmi ɔ be tae gblegbleegble; si ko nɛ i wo David ɔ hu, i be ye nya se kpalee.

Matsɛmɛ I, 8:25

Lɔ ɔ he ɔ, Yawɛ, Israel Mawu, i kpa mo pɛɛ, si nɛ o wo tsaatsɛ benɛ o de lɛ ke ke e binyumu ɔmɛ maa bu mo tue kɛ pi si kaa bɔ nɛ e pee ɔ, a maa ye tsɛ ngɛ Israel kɛ maa ya neneene ɔ, ha jamɛ a siwo ɔ hu nɛ ba mi.

Samuel II, 7:16

O nina maa hiɛ, nɛ ma ha o matsɛ yemi ɔ maa hi si kɛ maa ya neneene; o matsɛ yemi ɔ se be poe gblegbleegble.’ ”

Samuel II, 7:14

Ma pee e tsɛ, nɛ e maa pee ye bi. Ke e pee nɔ́ nɛ dɛ ɔ, ma gbla e tue kaa bɔ nɛ tsɛ gblaa e bi tue ɔ.

Samuel I, 15:29

Mawu nɛ ji Israel hɛ mi nyami ɔ, e yi lakpa, nɛ e tsakee we e yi mi tomi hulɔ; ejakaa tsa pi nɔmlɔ ji lɛ nɛ e ma tsake e yi mi tomi.”

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Matsɛmɛ I, 1:48

nɛ e sɔle ke, ‘A je Yawɛ, Israel Mawu ɔ yi kaa e hla ye binyumu ɔmɛ a kpɛti nɔ kake kɛ ba hi ye sɛ ɔ nɔ mwɔnɛ ligbi nɛ ɔ; nɛ i na nɔ́ nɛ ɔ kɛ imi nitsɛ ye hɛngmɛ.’ ”

Kronika II, 7:18

lɛɛ si ko nɛ i wo o tsɛ David ɔ, ma ye nɔ. Imi lɛ i de lɛ ke ma ha e nina maa ye tsɛ ngɛ Israel kɛ maa ya neneene ɔ nɛ.

La 89:5

Yawɛ, hiɔwe ma je nyakpɛ níhi nɛ o ngɛ pee ɔ a yi; a ma la kɛ je o yi kaa o yeɔ anɔkuale.