La 132:10 - BAIBLO ALOO NGMAMI KLƆUKLƆU Ɔ

¹⁰ Yawɛ, mo nitsɛ lɛ o wo o tsɔlɔ David si, nɛ o wo lɛ matsɛ, lɔ ɔ he ɔ, ko kua lɛ.

La 132:10 ပူးပေါင်းရင်းမြစ်များ

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

La 84:9

Mawu, wa kpa mo pɛɛ nɛ o gbaa wa matsɛ ɔ, nɔ nɛ mo nitsɛ o pɔ lɛ nu ɔ.

Kronika II, 6:42

Yawɛ Mawu, matsɛ ɔ nɛ o pɔ lɛ nu ɔ, koo je e se. Mo kai suɔmi nɛ o ngɛ kɛ ha o tsɔlɔ David ɔ.”

Matsɛmɛ II, 19:34

Ngɛ ye biɛ ɔ he, kɛ si nɛ i wo ye tsɔlɔ David he je ɔ, ma bu ma nɛ ɔ he; nɛ nɔ́ ko nɔ́ ko be a he sae.’ ”

Matsɛmɛ I, 11:34

I be matsɛ yemi ɔ tsuo kpɔe ngɛ Salomo dɛ; ma ha nɛ e ye tsɛ kɛ yaa si e gbenɔ be. Ma pee nɔ́ nɛ ɔ ngɛ ye tsɔlɔ David nɛ i hla, nɛ e ye ye mlaa amɛ, kɛ blɔ nya tomi ɔmɛ a nɔ ɔ he.

Matsɛmɛ II, 8:19

Se Yawɛ sume kaa e ma kpata Yuda hɛ mi, ejakaa e wo e tsɔlɔ David si kaa e nina maa ye matsɛ kɛ maa ya neneene.

La 84:10

Ligbi kake nɛ nɔ ko maa ye ngɛ o we ɔ hi pe ligbi akpe nɛ e maa ye ngɛ he kpa ko. Ma suɔ nɛ ma pee agbo nya bulɔ ngɛ ye Mawu ɔ we ɔ mohu, pe kaa ma hi yayami peeli a we mi.

La 144:10

Mo lɛ o haa matsɛmɛ yeɔ kunimi, nɛ o heɔ o tsɔlɔ David yi wami.