La 131:2 - BAIBLO ALOO NGMAMI KLƆUKLƆU Ɔ

² Anɔkuale mi ɔ, i ba ye he si, nɛ i pee kpoo kaa bi nɛ a tsɔ lɛ nyɔ ngɛ e nyɛ kasa nya; ye klaa pee kpoo ngɛ ye mi kaa bi nɛ a tsɔ lɛ nyɔ.

La 131:2 ပူးပေါင်းရင်းမြစ်များ

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Marko 10:15

I ngɛ nyɛ dee anɔkuale mi ke, nɔ tsuaa nɔ nɛ he we Mawu matsɛ yemi ɔ kaa bɔ nɛ jokuɛ nyafii maa pee ɔ, e be mi sɛe kɔkɔɔkɔ.”

Luka 21:19

Nyɛɛ hɛɛ nyɛ hemi kɛ yemi ɔ mi kpɛii, nɛ nyɛ ma na neneene wami.

La 43:5

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ! Ma je e yi ekohu. Lɛ ji ye kpɔlɔ; lɛ ji ye Mawu.

La 42:11

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ kɛ ye Mawu.

Yesaya 30:15

Nyɔmtsɛ Yawɛ, Israel Mawu klɔuklɔu ɔ ngɛ ma a dee ke, “Nyɛɛ kpale kɛ ba, nɛ nyɛɛ ngɔ nyɛ hɛ ngɔ fɔ ye nɔ kpoo. Ja jã loko nyɛ he maa wa, nɛ nyɛ ma na wami.” Se nyɛ kplɛɛ we kaa nyɛ maa pee ja!

Kɔmɔ Yemi 3:26

Lɔ ɔ he ɔ, e sa kaa waa to wa tsui si kɛ hyɛ Yawɛ blɔ, konɛ e he wa yi wami.

La 62:1

Mawu pɛ nɔ i ngɔ ye hɛ kɛ fɔ; lɔ ɔ he ɔ, i pee dii kɛ ngɛ lɛ blɔ hyɛe, konɛ e ba he ye yi wami.

La 42:5

Mɛni he je i pee vii kikɛ nɛ ɔ? Mɛni he je i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ; lɛ ji ye Mawu.

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Samuel I, 24:10

Mwɔnɛ ligbi nɛ ɔ, mo nitsɛ o na kɛ o hɛngmɛ bɔ nɛ Yawɛ je mo kɛ wo ye dɛ mi ngɛ tɛ puɔ ɔ mi, bɔ nɛ ni komɛ de mi ke ma gbe mo, se i kɛ o wami ke mo, nɛ i de ke, ‘I be ye nyɔmtsɛ ɔ awi yee, ejakaa Yawɛ nɛ hla lɛ kaa e ba ye matsɛ!’