La 131:1 - BAIBLO ALOO NGMAMI KLƆUKLƆU Ɔ

¹ Yawɛ, i wo we ye he nɔ, konɛ ye hɛngmɛhi nɛ hi hiɔwe níhi pɛ hyɛe; pohu ní nguanguahi, kɛ níhi nɛ ngɛ nyakpɛ tsɔ ha mi ɔ, i nyɛɛ we a se.

La 131:1 ပူးပေါင်းရင်းမြစ်များ

Romabi 12:16

Bɔ nɛ nyɛ maa pee kɛ ha nɔ kake ɔ, nyɛɛ pee ja kɛ ha nɔ tsuaa nɔ. Nyɛ ko wo nyɛ he nɔ, se mohu nyɛɛ kɛ ni nɛmɛ nɛ baa a he si ɔ nɛ bɔ; nɛ nyɛ ko bu nyɛ he ní leli tsɔ.

La 139:6

Bɔ nɛ o le mi fitsofitso ɔ ngɛ nyakpɛ tsɔ. Nile nɛ ɔ mi kuɔ pe bɔ nɛ ma nyɛ ma nu sisi.

Hiob 42:3

O bi ke kɛ peeɔ kɛɛ nɛ i biɔ sane nɛ kɔɔ mo o nile he, be mi nɛ imi lɛɛ i li nɔ́ ko nɔ́ ko ɔ? I tu níhi nɛ i nui sisi a he munyu; nyakpɛ níhi nɛ ye juɛmi sui a he.

Yeremia 45:5

Moo lɛɛ ní nguahi o ngɛ hlae ha o he? Ko hla! Ejakaa ma ngɔ haomi kɛ ba adesahi tsuo a nɔ. Se moo lɛɛ he tsuaa he nɛ o maa gu ɔ, o he maa je mi. Imi, Yawɛ lɛ i de.”

La 101:5

Nɔ nɛ gbeɔ e nyɛmi he guɛ ngɛ laami mi ɔ, ma kpata e hɛ mi. Nɔ nɛ ngɛ gegeege, nɛ e woɔ e he nɔ ɔ, i kɛ lɛ be bɔe.

La 124:1

Ke pi Yawɛ nɛ piɛ wa he ɔ nɛɛ? Israel ha heto koo!

La 122:1

Ye bua jɔ ye he wawɛɛ nitsɛ benɛ a de mi ke, “Waa ho Yawɛ we ɔ ya.”

Mose IV, 12:3

Mose nɛ ɔ, nɔmlɔ nɛ he jɔ ji lɛ; niinɛ e he jɔ pe nimli adesahi tsuo nɛ a ngɛ zugba a nɔ ɔ.

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

La 133:1

Hyɛ bɔ nɛ e hi, bɔ nɛ e ngɛ fɛu, ke nyɛmimɛ pee kake kɛ hi si!

Samuel I, 18:23

Saul tsɔli ɔmɛ ya sɛɛ ní nɛ ɔ ha David, nɛ David de ke, “Matsɛ e ngatsɛ peemi ɔ, e ji hɛ mi nyami agbo! Imi ohiatsɛ nɛ i be blɔ nya ko ɔ, nɔ́ nɛ ɔ kle pe mi.”

Samuel I, 16:22

Saul tsɔ ya de Ishai ke, “I suɔ David sane; lɔ ɔ he ɔ, ha nɛ e hi hiɛ ɔ nɛ e sɔmɔ mi.”

Samuel I, 16:18

Nihewi ɔmɛ a ti nɔ kake de lɛ ke, “I kpa mo pɛɛ, i le Ishai, Betlehem no ɔ binyumuyo ko nɛ le saku fiami saminya. Nyumu katsɛ kɛ ta hwulɔ ji lɛ. E nya mi tsɔ, nɛ e he ngɛ fɛu, nɛ Yawɛ kɛ lɛ ngɛ.”

Samuel I, 16:13

Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.

Mose V, 17:20

Enɛ ɔ ma ha nɛ e be susue kaa e hi pe e nyɛmimɛ Israel fɔfɔɛ ɔmɛ; nɛ e maa ye Yawɛ mlaa amɛ a nɔ pɛpɛɛpɛ. Lɔ ɔ loko e matsɛ yemi ɔ se maa kɛ, nɛ e bimɛ, kɛ e nina maa ye Israel nɔ be babauu.

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

Ni Tsumi 20:19

I ba ye he si saminya kɛ sɔmɔ Nyɔmtsɛ ɔ. Jamɛ a be ɔ mi tsuo ɔ, Yuda bi ɔmɛ soɔ ye yi nɔ, nɛ a haa nɛ i naa nɔ́ wawɛɛ, nɛ i foɔ ya tete po.

Yeremia 17:16

Se Yawɛ, mo nitsɛ o le faii kaa tsa pi imi nɛ i nyɛ o nɔ ke o ha nɛ haomi nɛ ba ma nɛ ɔ nɔ. O le kaa pi imi nɛ i to kaa amanehlu be ko nɛ ba. Nɔ́ nɛ je ye nya nɛ i de ɔ, mo nitsɛ o le.

Samuel I, 17:15

Se David lɛɛ ke e sɔmɔ Saul bɔɔ kɛkɛ e je kɛ ho Betlehem ya ya hyɛ e tsɛ to ɔmɛ hu bɔɔ.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

Samuel II, 6:22

nɛ ye hɛ mi ma pue si pe kikɛ nɛ ɔ po. E maa pee mo kaa pi nɔ ko ji mi; se mawayi ɔmɛ nɛ o tu a he munyu ɔ, mɛɛ lɛɛ a maa bu mi saminya.”

Abɛ Womi 21:4

He nɔ womi, kɛ he womi nɛ yiwutsotsɛmɛ nyaa he ɔ, yayami ji lɔ ɔmɛ.