La 13:5 - BAIBLO ALOO NGMAMI KLƆUKLƆU Ɔ

⁵ Se imi lɛɛ, o suɔmi nɛ ngɛ daa a, lɔ ɔ nɔ lɛ i ngɔ ye hɛ kɛ fɔ. Ma ná bua jɔmi, ejakaa o ma he ye yi wami.

La 13:5 ပူးပေါင်းရင်းမြစ်များ

La 119:81

Yawɛ, i hyɛ mo blɔ hluu kaa o ma ba kpɔ mi, nɛ pɔ tɔ mi jehanɛ; se i ngɔ ye hɛ kɛ fɔ o siwo ɔ nɔ.

La 147:11

Se nihi nɛ yeɔ lɛ gbeye, nɛ ngɔɔ a hɛ kɛ fɔɔ e nɔ kaa e maa na mɛ mɔbɔ daa a, mɛɛ e naa a he bua jɔmi.

La 25:2

Ye Mawu, i ngɔ ye hɛ kɛ fɔ o nɔ. Ko ha nɛ ye hɛ mi nɛ pue si; ko ha nɛ ye he nyɛli nɛ ye ye hɛ fɛu.

La 32:10

Yayami peeli maa na nɔ́ wawɛɛ. Se nihi nɛ ngɔɔ a hɛ kɛ fɔɔ Yawɛ nɔ ɔ, mɛɛ lɛɛ Yawɛ maa na mɛ mɔbɔ daa.

La 33:18

Nihi nɛ yeɔ Yawɛ gbeye; nihi nɛ ngɔɔ a hɛ ngɔ fɔɔ e nɔ kaa e na mɛ mɔbɔ ɔ, Yawɛ buu a he.

La 36:7

Yawɛ, hyɛ bɔ nɛ o mɔbɔ nami ɔ he jua wa ha! Adesahi tsuo ba saa we ngɛ o pɛli ɔmɛ a sisi.

La 38:17

I miɔ nɛ ma nɔ si, ejakaa daa nɛ ɔ, nɔ́ kɛkɛ i ngɛ nae.

La 51:12

Ha ma na bua jɔmi ekohu kaa mo ji ye yi wami helɔ; nɛ́ o ha nɛ ma bu mo tue daa.

La 52:8

Se imi lɛɛ i ngɛ kaa oliv tso ngɛ Mawu we ɔ. I ngɔ ye hɛ kɛ fɔ Mawu mɔbɔ nami nɔ; e mɔbɔ nami ɔ be nyagbe.

La 9:14

konɛ ma na bua jɔmi nɛ ma je o yi ngɛ Yerusalem bi ɔmɛ a hɛ mi; nɛ ma nya kɛ tsɔɔ kaa o he ye yi wami.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Habakuk 3:18

ye bua maa jɔ, nɛ ma nya; ejakaa Yawɛ Mawu ɔ ji nɔ nɛ heɔ ye yi wami.

Luka 1:47

Ye bua jɔ, kaa Mawu ji ye yi wami helɔ,

Luka 2:20

To hyɛli ɔmɛ kpale a se kɛ ho. Benɛ a yaa a tsuo a ngɛ lae kɛ ngɛ Mawu yi jee ngɛ níhi nɛ a nu, kɛ níhi nɛ a na a he. Nɔ́ nɛ bɔfo ɔ sɛɛ ha mɛ ɔ, lɔ ɔ tutuutu nɛ a ya na a nɛ.

Yuda 1:21

Be mi nɛ nyɛ ngɛ wa Nyɔmtsɛ Yesu Kristo blɔ hyɛe nɛ e ba na nyɛ mɔbɔ, nɛ e ha nyɛ neneene wami ɔ, nyɛɛ hyɛ nyɛ he nɔ saminya. Kɛkɛ ɔ, suɔmi nɛ Mawu ngɛ kɛ ha nyɛ ɔ maa hi si daa.

Samuel I, 2:1

Hana sɔle nɛ e de ke, “Yawɛ ha ye tsui mi hyi kɛ bua jɔmi; hyɛ bɔ nɛ ye bua jɔ ha ngɛ nɔ́ nɛ e pee ɔ he! I muɔ ye he nyɛli ɔmɛ; ye bua jɔ ye he, ejakaa Mawu ye bua mi!