La 13:1 - BAIBLO ALOO NGMAMI KLƆUKLƆU Ɔ

¹ Yawɛ, kɛ yaa si mɛni be nɛ o hɛ maa je ye nɔ? Kɛ yaa neneene lo? Mɛni be o maa laa mi kɛ yaa si?

La 13:1 ပူးပေါင်းရင်းမြစ်များ

Hiob 13:24

Mɛni he je o kɛ o hɛ mi laa mi ɔ? Mɛni he je o kɛ mi ngɛ ní toe kaa o he nyɛlɔ ɔ?

La 89:46

Yawɛ, mɛni be o maa laa o he kɛ ya si? O maa laa o he kɛ maa ya neneene lo? O mi mi fumi nɛ ngɛ kaa la nɛ ngɛ tsoe ɔ, mɛni be lɛ e se maa po?

Kɔmɔ Yemi 5:20

Mɛni he je o hɛ je wa nɔ pɛsɛpɛsɛ ɔ? Mɛni he je o ngmɛɛ wa he be babauu nɛ ɔ?

La 80:4

Yawɛ Tabohiatsɛ Mawu! O ma mi bi ɔmɛ a kue fami ɔ maa wo o mi mi la kɛ yaa si mɛni be?

La 6:3

nɛ imi nɔmlɔ ɔ tsuo i hao. Yawɛ, mɛni be o maa mlɛ kɛ yaa si loko o ma ba he mi?

La 44:24

Mɛni he je o ngɔ o hɛ mi kɛ laa wɔ ɔ? Mɛni ba loko o hɛ je nɔ kaa a ngɛ wɔ yi mi wae, nɛ wa ngɛ nɔ́ nae ɔ?

La 35:17

Yawɛ, o maa hi nɔ́ nɛ ɔ hyɛe kɛ yaa si mɛni be! Jé mi kɛ je kikɛmɛ a ogbetee nɛ ɔmɛ a dɛ mi! Ko ha nɛ a kpata ye hɛ mi!

La 10:12

Yawɛ Mawu, gbla yayami peeli a tue, nɛ o hɛ ko je nɔ́ nali a nɔ.

La 85:5

Anɛ o mi mi ma fu wɔ daa lo? Anɛ o mi mi fumi ɔ ma tsa nɔ kɛ ya yi nɔhi tsuo lo?

La 74:1

Mawu, mɛni he je lɛ o hɛ wɔ ngɔ fɔ he ɔ? Anɛ o mi mi ma fu mo nitsɛ o ma a daa kikɛ nɛ ɔ lo?

Yesaya 59:2

Mohu nyɛ ná nyɛɛ le kaa nyɛ he yayami ɔmɛ ji níhi nɛ gba nyɛɛ kɛ nyɛ Mawu ɔ nyɛ kpɛti; nyɛ he yayami ɔmɛ tsi e hɛ mi; lɔ ɔ he nɛ ke nyɛ fa kue nɛ e nui ɔ nɛ.

La 90:14

Naa wɔ mɔbɔ daa mɔtu, konɛ wa na bua jɔmi wa wami be ɔ tsuo.

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.