La 128:5 - BAIBLO ALOO NGMAMI KLƆUKLƆU Ɔ

⁵ Yawɛ nɛ gbaa mo kɛ je Zion. O wami be ɔ tsuo ɔ, o na bɔ nɛ Yerusalem ma plɔke ha.

La 128:5 ပူးပေါင်းရင်းမြစ်များ

La 118:26

A gbaa nɔ nɛ ma ngɛ Yawɛ biɛ mi ɔ! Wa ngɛ mo gbae kɛ je Yawɛ we ɔ.

La 122:6

Nyɛɛ fa kue nɛ tue mi jɔmi nɛ ba Yerusalem. Nyɛ de ke, “Nihi nɛ suɔ mo Yerusalem ɔ, níhi a mi nɛ hi ha mɛ oo!

La 134:3

Yawɛ, nɔ nɛ pee hiɔwe kɛ zugba a, é gbaa nyɛ kɛ je Zion.

La 135:21

Nyɛ je Yawɛ yi ngɛ Zion; nyɛ je e yi ngɛ e we ɔ mi ngɛ Yerusalem. Nyɛ je Yawɛ yi!

La 20:2

É je e we klɔuklɔu ɔ nɛ e piɛ o he; é wo mo he wami kɛ je Zion yo ɔ nɔ.

La 20:3

Yawɛ ma kai o nike ní ɔmɛ tsuo, nɛ e ma he o sami bɔ ɔmɛ hulɔ.

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

Yesaya 33:20

Hyɛ, Zion, ma nɛ wa yeɔ wa nyami ligbi ɔmɛ ngɛ mi ɔ ji nɛ ɔ nɛ! Yerusalem, ma nɛ tue mi jɔmi ngɛ mi ɔ ji nɛ ɔ nɛ! Yerusalem ngɛ kaa bo tsu nɛ maa si nɛ be si nɔe gblegbleegble. Tso plɛɛkohi nɛ a ka kɛ wo zu mi ɔ ekoeko be hiae; tangme kpa amɛ hu be tsɔe.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.