La 128:2 - BAIBLO ALOO NGMAMI KLƆUKLƆU Ɔ

² O ma na o nya mi ngma bɔ nɛ sa kɛ je ní nɛ o tsuɔ ɔ mi; o bua maa jɔ, nɛ e maa hi ha mo.

La 128:2 ပူးပေါင်းရင်းမြစ်များ

La 1:3

E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi.

La 109:11

E hiɔtsɛmɛ nɛ a ba kpɔ e níhi tsuo ngɛ e dɛ; nɛ níhi tsuo nɛ e gbo dengme kɛ na a, nibwɔhi nɛ a ba ha.

Fiɛlɔ 8:12

Yayami peelɔ peeɔ yayami si lafa, nɛ e gbo we. Se kɛ̃ ɔ, i le kaa nihi nɛ yeɔ Mawu gbeye anɔkuale mi ɔ, e hii ha mɛ.

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Yesaya 62:8

Yawɛ ka e he kita, nɛ bɔ nɛ e ngɛ nɔ mi mae ngɛ dee ji, “Ye ma, i be o blɛfo ngɔe kɛ ha o he nyɛli nɛ a ye hu, nɛ o wai nɛ o gbo he dengme ɔ, nibwɔhi ba be nue hu.

Yesaya 65:13

Lɔ ɔ he ɔ, imi Nyɔmtsɛ Yawɛ, i ngɛ dee ke, ni nɛmɛ nɛ buɔ mi tue, nɛ a jaa mi ɔ, a ma ná ní babauu maa ye, se nyɛɛ lɛɛ hwɔ maa gbe nyɛ; ye sɔmɔli ɔmɛ ma na nyu maa nu, se nyɛɛ lɛɛ kuma maa gbe nyɛ; ye sɔmɔli ɔmɛ ma nya, se nyɛɛ lɛɛ zo maa gbe nyɛ.

Yeremia 22:15

Ke o ngɔ seda kɛ po we saminyayoo nɛ ngɛ fɛu pe ni kpahi a wehi ɔ, anɛ lɔ ɔ peeɔ mo matsɛ slɔɔto ko lo? O tsɛ hi si saminya, nɛ nɔ́ tsuaa nɔ́ hi ha lɛ; e ye je mi ngɔɔmi nɛ e fiɛ e yi nɔ bɔ nɛ sa. Ejakaa e ye dami sane ngɛ nɔ́ tsuaa nɔ́ mi.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

Efesobi 6:3

konɛ e hi ha mo, nɛ o se nɛ kɛ ngɛ je mi.”

Mose V, 28:11

Yawɛ ma ha nyɛ bimɛ, we mi lohwehi, kɛ ngmɔ niba ní babauu ngɛ zugba nɛ e wo nyɛ nɛmɛ ɔmɛ si ke e maa ngɔ kɛ ha nyɛ ɔ nɔ.

Mose V, 28:39

Nyɛ maa pee wai ngmɔ, nɛ nyɛ ma gbo dengme kɛ hyɛ nɔ saminya, se nyɛ be wai yiblii ɔ kpae, nɛ nyɛ be wai ɔ hu eko nae maa nu; ejakaa gɔgɔ maa ye wai tso ɔmɛ.

Mose V, 28:4

“Yawɛ ma ha nyɛ ma fɔ bimɛ babauu; nyɛ zugba a maa ba ní, nɛ nyɛ we mi lohwehi, nɛ ji nyɛ na amɛ, kɛ nyɛ to ɔmɛ hu maa bɔ.

Mose V, 28:51

A maa ye nyɛ we mi lohwe ɔmɛ, kɛ nyɛ ngmɔ niba ní ɔmɛ tsuo; se nyɛɛ lɛɛ nyɛ ma gbo kɛ hwɔ. He nyɛli ɔmɛ be ngma, loo wai, loo nu, loo na, loo to piɛe ha nyɛ; nɛ nyɛ ma gbo.

Mose V, 28:8

“Yawɛ, nyɛ Mawu ɔ maa gbaa nyɛ ní tsumi nɔ, nɛ nyɛ gba amɛ ma hyi tɔtɔɔtɔ. E maa gbaa nyɛ ngɛ zugba a nɛ e kɛ ngɛ nyɛ hae ɔ nɔ.