La 127:2 - BAIBLO ALOO NGMAMI KLƆUKLƆU Ɔ

² Yaka gu nyɛ teɔ si makɛ mla, nɛ gbɔkuɛ hu nyɛ ya hwɔ we si mla. Nyɛ gboɔ dengme loko nyɛ naa nɔ́ ko bɔɔ pɛ nyɛ yeɔ, se nɔ nɛ Mawu suɔ e sane ɔ, e haa e hwɔɔ mahe bɔ nɛ sa.

La 127:2 ပူးပေါင်းရင်းမြစ်များ

Hiob 11:18

O maa hi si ngɛ tue mi jɔmi, kɛ hɛ nɔ kami mi; Mawu maa baa o yi, nɛ e ma ha mo he jɔmi.

La 3:5

I hwɔɔ si nɛ i hwɔɔ mahe, nɛ i teɔ si ekohu, ejakaa Yawɛ buɔ ye he.

La 4:8

Ma hwɔ si nɛ ma hwɔ mahe ngɛ tue mi jɔmi mi. Ejakaa mo, Yawɛ pɛ lɛ o haa nɛ ye he mi jɔɔ mi.

La 60:5

Ngɔɔ o he wami kpetekpleenyɛ ɔ kɛ he wa yi wami. Bu wa kue fami ɔ tue, konɛ ma nɛ mo nitsɛ o suɔ ɔ yi nɛ na wami.

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

Fiɛlɔ 1:14

Níhi tsuo nɛ a peeɔ ngɛ je nɛ ɔ mi ɔ, i na; nɛ i ngɛ dee ke lɛ tsuo yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 4:8

Hyɛ kaa nɔ ko lɛ ngɛ. E be bi; e be nyɛmi ko; lɛ nɔ kake ngmelu pɛ lɛ ngɛ. Se daa nɛ ɔ, dengme nɔ kɛkɛ lɛ e ngɛ; e ní nɛ e na a pi ha lɛ. E bi we e he hyɛ ke dengme babauu nɛ e ngɛ gboe nɛ e yi e mi ngɔɔmi ko ɔ, mɛnɔ kulaa lɛ e ngɛ jamɛ a dengme ɔ gboe ha. Enɛ ɔ hu ji yaka nɔ ko; dengme gbomi gu nɛ bua jɔmi be mi.

Fiɛlɔ 5:12

Apaatsɛ ɔ, e ye ní bɔɔ jio, e ye fuu jio, e hwɔɔ mahe bɔ nɛ sa. Se niatsɛ lɛɛ e ní babauu ɔ ha we nɛ e hwɔɔ mahe.

Fiɛlɔ 6:7

Dengme tsuo nɛ nɔmlɔ ngɛ gboe ɔ, e nya mi ngma kɛkɛ he lɛ e ngɛ gboe ngɛ. Se kɛ̃, e tɔɛ gblegbleegble.

Yeremia 31:26

Kɛkɛ nɛ ye hɛ tsɛ̃, nɛ i na kaa i hwɔɛ mahe nɛ ngɔ ye he saminya.

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.