La 125:1 - BAIBLO ALOO NGMAMI KLƆUKLƆU Ɔ

¹ Nihi nɛ ngɔɔ a hɛ kɛ fɔɔ Yawɛ nɔ ɔ, a ngɛ kaa Zion yo ɔ. E maa si kpɛii kɛ yaa neneene, nɛ nɔ́ ko nɔ́ ko be nyɛe ma mimiɛ lɛ.

La 125:1 ပူးပေါင်းရင်းမြစ်များ

La 62:2

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

Zakaria 1:17

Bɔfo ɔ de mi hulɔ ke ma fiɛ ke, “Yawɛ Tabohiatsɛ ɔ ke e ma amɛ ma ná ní kpɔtɔɔ ekohu. Yawɛ maa kpale ba ngɔ Yerusalem ekohu kaa lɛ nitsɛ e ma; nɛ e maa wo Zion bua.”

La 34:22

Yawɛ ma he e sɔmɔli a yi wami. Nihi nɛ ba saa we ngɛ e ngɔ ɔ, a ti nɔ ko nɔ ko hɛ mi be kpatae.

La 25:2

Ye Mawu, i ngɔ ye hɛ kɛ fɔ o nɔ. Ko ha nɛ ye hɛ mi nɛ pue si; ko ha nɛ ye he nyɛli nɛ ye ye hɛ fɛu.

La 120:1

Benɛ i ngɛ haomi mi ɔ, i kpa ngmlaa kɛ tsɛ Yawɛ, nɛ e bu mi tue.

Kronika I, 5:20

A ngɔ a hɛ ngɔ fɔ Mawu nɔ, nɛ a fa kue ha lɛ ke e piɛ a he. Mawu bu a kue fami ɔ tue, nɛ e ha nɛ a ye Hagri bi ɔmɛ, kɛ a he piɛli ɔmɛ a nɔ.

La 121:1

Ke i wo ye yi nɔ nɛ i hyɛ yoku ɔmɛ ɔ, i biɔ ke jije balɔ maa je kɛ ba?

La 62:6

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

La 122:1

Ye bua jɔ ye he wawɛɛ nitsɛ benɛ a de mi ke, “Waa ho Yawɛ we ɔ ya.”

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

Yesaya 51:16

Imi ji nɔ nɛ pee hiɔwe ploplooplo ɔ, nɛ i ngɔ zugba a sisi tomi ɔmɛ ngɔ ma si. Bɔ nɛ i ngɛ Yerusalem dee ji, ‘Ye ma ji mo! I wo mo mlaa, nɛ i ngɔ ye he wami kɛ ngɛ o he bue.’ ”

La 123:1

Yawɛ mo i wo ye yi nɔ kɛ ngɛ hyɛe; mo nɛ́ o hii si ngɛ o matsɛ sɛ ɔ nɔ ngɛ hiɔwe ɔ, mo i ngɛ hyɛe ɔ nɛ!

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

Kpojemi 14:1

Jehanɛ ɔ, i hyɛ, nɛ i na To bi ɔ nɛ daa si ngɛ Zion yo ɔ nɔ, kɛ nimli 144,000. A ngma To bi ɔ, kɛ e Tsɛ ɔ tsuo a biɛ ngɛ nimli nɛ ɔmɛ a ti nɔ tsuaa nɔ hɛ nya.

Zakaria 1:14

Bɔfo ɔ de mi ke ma fiɛ nɔ́ nɛ Yawɛ Tabohiatsɛ ɔ de ɔ ke, “Yerusalem, ye ma klɔuklɔu Zion ɔ, i suɔ e sane saminya, nɛ e he nɔ́ dɔɔ mi.

Obadia 1:21

Yerusalem manye yeli ɔmɛ ma ya tua Edom, nɛ a maa ye ma a nɔ. Nɛ Yawɛ nitsɛ maa pee a matsɛ.” Mawu lɛ de.

La 25:8

Akɛnɛ Yawɛ hi, nɛ e da he je ɔ, e tsɔɔ yayami peeli blɔ nɛ sa kaa a nyɛɛ nɔ.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

Yesaya 51:8

Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

Yesaya 14:32

Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

La 147:11

Se nihi nɛ yeɔ lɛ gbeye, nɛ ngɔɔ a hɛ kɛ fɔɔ e nɔ kaa e maa na mɛ mɔbɔ daa a, mɛɛ e naa a he bua jɔmi.

La 124:1

Ke pi Yawɛ nɛ piɛ wa he ɔ nɛɛ? Israel ha heto koo!

La 46:5

Mawu ngɛ jamɛ a ma a mi, lɔ ɔ he ɔ, ma a hɛ mi be kpatae kɔkɔɔkɔ. Loko haomi maa ba a nɔ ɔ, Mawu je ngmlaa ha mɛ momo.

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

La 20:8

Mɛɛ a ma tɛ nɔ, nɛ a maa nɔɔ si, se wɔɔ lɛɛ wa maa te kɛ da si kɛ he wami.

La 46:6

Je ma amɛ a mi mi fuɔ, nɛ a peeɔ hoo; se ke Mawu wo gbi ɔ, zugba a he jɔɔ.

La 62:3

Kɛ yaa su mɛni be nyɛ tsuo nyɛ ma bla kɛ hao nɔ kake too kikɛ nɛ ɔ, nɔ nɛ ngɛ kaa gbogbo nɛ ku, nɛ miɔ nɛ e maa nɔ si ɔ?

La 62:7

Mawu pɛ ji nɔ nɛ he ye yi wami. Lɛ pɛ lɛ e maa wo ye hɛ mi nyami. Mawu ji ye he wami kpetekpleenyɛ. Lɛ ji ye wesa he.

Abɛ Womi 10:25

Ke kɔɔhiɔ nɛ nya wa te ɔ, e fiaa yayami peeli kɛ nɔɔ si nɛ a gboɔ. Se nihi nɛ peeɔ kpakpa lɛɛ nɔ́ ko nɔ́ ko sɛ a he.

Yesaya 26:3

Nɔ nɛ ngɔɔ e hɛ kɛ fɔɔ o nɔ, nɛ e heɔ mo yeɔ ɔ, o haa lɛ tue mi jɔmi.

Yesaya 26:4

Nyɛɛ ngɔ nyɛ hɛ ngɔ fɔ Yawɛ nɔ daa; ejakaa Yawɛ Mawu ɔ ngɛ kaa tɛ sa ko nɛ ngɛ daa.