La 123:4 - BAIBLO ALOO NGMAMI KLƆUKLƆU Ɔ

⁴ Nihi nɛ a he mi jɔ mɛ ɔ ye wa he fɛu babauu, nɛ he nɔ woli hu gbe wa he guɛ hluu kɛ ya si wa mumu nya ta.

La 123:4 ပူးပေါင်းရင်းမြစ်များ

La 119:51

Nihi nɛ woɔ a he nɔ ye ye he fɛu hluu, se kɛ̃ ɔ, i ngmɛɛ we o mlaa a he.

Hiob 12:5

Nyɛ ngɛ ye he fɛu yee, ejakaa nyɛɛ lɛɛ haomi ko be nyɛ nɔ. Nɔmlɔ nɛ miɔ nɛ maa nɔ si ɔ, nyɛ ngɛ lɛ nɔ́ fiae.

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

1 Korintobi 4:13

Ke a ngɛ wa biɛ puɛe ɔ, wa bɔɔ mɔde kaa wɔɔ lɛɛ wa maa tu he jɔmi munyu. Je ɔ buu wɔ kaa kuku kɛ ba si mwɔnɛ ɔ.

Ni Tsumi 26:24

Benɛ Paulo je e nya kikɛ nɛ ɔ, Festo de kɛ ngmlaa kɛ wo lɛ ke, “Paulo, o yi mi ngɛ puɛe pɛ! Womi kasemi sɔuu lɛ wo mo godo nɛ ɔ nɛ!”

Amos 6:1

Nyɛ nihi nɛ nyɛ he mi jɔ nyɛ ngɛ Zion, kɛ nyɛ Samaria bi nɛ e peeɔ nyɛ kaa nɔ́ ko he hia we nyɛ, musu tloo nyɛ! Nyɛ Israel ma kpetekpleenyɛ nɛ ɔ mi ganɔhi nɛ ma a mi bi ba biɔ yemi kɛ buami ngɛ nyɛ ngɔ, musu tloo nyɛ!

Yeremia 48:29

Moab woɔ e he nɔ tsɔ! E he womi, e nɔ buimi, kɛ bɔ nɛ e buu lɛ nitsɛ e he ha a, i le lɛ tsuo pɛpɛɛpɛ.

Yeremia 48:11

Bɔ nɛ Yawɛ de ji nɛ ɔ nɛ: “Moab he mi jɔ lɛ kɛ je sa, nɛ a ngɔɛ lɛ kɛ yɛ ma se hyɛ. Moab ngɛ kaa wai atiati nɛ a si ngɛ tɔ mi kɛ ma si, nɛ a plɛ we kɛ wui tɔ kpa mi. Bɔ nɛ e ngɛ sa a, ja ko e ngɛ; e nya nyu gbo we, nɛ e puɛ we hulɔ.

Yesaya 32:11

Nyɛ yihi nɛ nyɛ he mi jɔ nyɛ, nɛ haomi ko be nyɛ nɔ, jehanɛ lɛɛ nyɛɛ ye gbeye, nɛ nyɛ he nɛ do blibliibli! Nyɛ kpa bo ngɛ nyɛ he, nɛ nyɛɛ hɛɛ nyɛ he gu. Nyɛɛ ngɔ kpekpe ya bo kɛ fi nyɛ mlɛ mi.

Yesaya 32:9

Nyɛ yihi nɛ nyɛ ngɛ mle yee, nɛ haomi ko be nyɛ nɔ, nyɛɛ bu nɔ́ nɛ i ngɛ nyɛ dee ɔ tue.

Hiob 16:4

Níhi nɛ nyɛ ngɛ dee nɛ ɔ, imi hu i ko de ja nɔuu. I ko mimiɛ ye yi, nɛ ma ha nyɛ munyu nguahi.

Nehemia 2:19

Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Ni Tsumi 17:21

(Nɔ́ nɛ Atene bi kɛ nibwɔhi tsuo nɛ ngɛ lejɛ ɔ suɔ peemi kɛkɛ ji a nu nɔ́ he ko nɛ a sɛɛ.)

Yeremia 48:27

Tse Israel plɛ pee muɔ nɔ́ ha mo? Israel ɔ, anɛ juli a kpɛti a naa lɛ ngɛ lo? Be tsuaa be nɛ o maa tu Israel he munyu ko ɔ, o maa tuu, ma mimiɛ o yi! Pi ja lo?

Samuel I, 17:42

Benɛ e hyɛ David nɛ e na kaa niheyo tsutsuutsu papaapa nɛ he ngɛ fɛu kɛkɛ ji lɛ ɔ, e bui lɛ fɛɛ.