La 123:3 - BAIBLO ALOO NGMAMI KLƆUKLƆU Ɔ

³ Naa wɔ mɔbɔ; Yawɛ, naa wɔ mɔbɔ; ejakaa a pee wɔ nisɛ ní babauu tsɔ.

La 123:3 ပူးပေါင်းရင်းမြစ်များ

Samuel II, 6:16

Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi nɛ e na Matsɛ David nɛ e ngɛ tuue nɛ e ngɛ doe kɛ ngɛ Yawɛ hɛ mi nyami woe; nɛ David he pee lɛ tai.

Matsɛmɛ II, 19:3

Sɛ gbi nɛ e ngɔ ha mɛ ke a ya ha Yesaya ji nɛ ɔ nɛ: “Mwɔnɛ ligbi nɛ ɔ, wa yi fi; a jɛ wɔ, nɛ a pue wa hɛ mi si. Wa pee kaa yo nɛ nu kɔɔmi, se e be he wami nɛ e kɛ maa kɛ̃ bi ɔ kɛ je kpo.

Hiob 19:15

Nibwɔhi nɛ ngɛ ye we mi ɔ, a hɛ je ye nɔ; i plɛ pee nubwɔ, loo ma se no ngɛ ye mawayihi a hɛ mi.

La 4:1

Ye Mawu nɛ faa ye he, moo bu ye kue fami ɔ tue koo! Be ko nɛ ye yi fi ɔ, mo lɛ o ba je mi. Naa mi mɔbɔ koo, nɛ o bu ye pɛɛ kpami ɔ tue.

La 57:1

Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Kɔmɔ Yemi 3:30

Ke a ngɛ wɔ ní fiae, loo a ngɛ wa hɛ mi si puee ɔ, wa ha nɛ a pee kɛkɛ.

Ezekiel 36:15

He guɛ gbemi, kɛ ahlua bɔmi munyuhi nɛ je ma amɛ tuɔ ɔ, zugba a be tue bue hu. Zugba a be e bimɛ ɔmɛ a hɛ mi kpatae hu. Imi, Nyɔmtsɛ Yawɛ lɛ i de.”

Ezekiel 36:6

“Lɔ ɔ he ɔ, gbaa kɛ tsɔɔ Israel zugba a. De yo ɔmɛ, pa amɛ, kɛ kɔ̃ ɔmɛ ke imi Nyɔmtsɛ Yawɛ, i kɛ hɛdɔ, kɛ abofu wawɛɛ ngɛ munyu tue, ejakaa je ma amɛ gbe nyɛ he guɛ, nɛ a pue nyɛ hɛ mi si.

Luka 16:14

Benɛ Farisi bi ɔmɛ nu ní nɛ ɔmɛ tsuo ɔ, a ye Yesu he fɛu, ejakaa a suɔ sika.

Luka 23:35

Ma mi bi ɔmɛ daa si ngɛ lejɛ ɔ ngɛ hyɛe, be mi nɛ ma nimeli ɔmɛ lɛɛ a ngɛ e he fɛu yee ngɛ dee ke, “Tse o he ni komɛ a yi wami! Yoo, ke mo ji Kristo ɔ, nɔ nɛ Mawu hla a, he mo nitsɛ o yi wami koo!”