La 122:7 - BAIBLO ALOO NGMAMI KLƆUKLƆU Ɔ

⁷ Tue mi jɔmi nɛ ba ma a mi; he jɔmi nɛ hi mɔ ɔmɛ a mi.”

La 122:7 ပူးပေါင်းရင်းမြစ်များ

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Yakobo 3:18

Nihi nɛ kpataa pɛ, nɛ a haa he jɔmi baa a, a ngɛ wu kpakpa due, nɛ yiblii nɛ a woɔ ji dami sane yemi.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

La 48:3

Mawu je e he kpo ngɛ e mɔ ɔmɛ a mi kaa wesa he nitsɛnitsɛ ji lɛ.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

La 48:13

nyɛɛ slaa gbogbo ɔmɛ, nɛ nyɛɛ to mɔ ɔmɛ a he hɛ saminya; bɔ nɛ pee nɛ nyɛɛ sɛɛ ha yi nɔ nɛ nyɛɛ nyɛ se ɔ ke,

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.