La 122:5 - BAIBLO ALOO NGMAMI KLƆUKLƆU Ɔ

⁵ Lejɛ ɔ nɛ Israel matsɛmɛ nɛ ji David nina a hi kɛ kojo ma a.

La 122:5 ပူးပေါင်းရင်းမြစ်များ

Mose V, 17:8

“E ma nyɛ maa ba mi kaa sane komɛ a yemi kɛ he buámi nya maa wa tsɔ ha ma amɛ eko mi kojoli, kaa weto ní blɔ nya he pleemi sane komɛ kikɛ, loo kaa a plaa nɔ ko, loo sane komɛ nɛ a ngɛ mi hlae, konɛ a na kaa pe a je blɔ gbe nɔ ko nɛ e gbo ɔ, loo a li be nɛ a fia lɛ nɔ́ nɛ e gbo. Ke e ba lɛ ja a, nyɛɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ.

Kronika II, 19:8

Yehoshafat wo Levi bi ɔmɛ, osɔfo ɔmɛ, kɛ Israel ma nimeli ɔmɛ a ti ni komɛ kojoli ngɛ Yerusalem hulɔ. Mɛɛ a ní tsumi ji a kojo sanehi nɛ kɔɔ Yawɛ mlaa a nɔ tɔmi he, nɛ a hyɛ ma mi bi ɔmɛ a kpɛti sanehi a mi. Yerusalem ji he nɛ a kojoɔ ngɛ.

Kronika II, 11:22

Rehoboam ngɔ Maaka binyumu Abiya kɛ to ganɔ ngɛ e bimɛ ɔmɛ tsuo a nya, ejakaa e hla lɛ ngɔ to kaa nɔ nɛ ma ba ye matsɛ ngɛ e se.

Samuel II, 8:18

Yehoyada binyumu Benaya ji Keret kɛ Pelet bi ɔmɛ a nyatsɛ. Keret kɛ Pelet bi ɔmɛ ji David we bi a tabo. David binyumu ɔmɛ ji osɔfohi.

Mose V, 17:18

Ke matsɛ ɔ ba hi sɛ ɔ nɔ ɔ, nɔ́ nɛ é pee mohu ji e ha nɛ a ngma Mawu mlaa amɛ, kɛ tsɔɔmi ɔmɛ kɛ je mlaa womi ɔ nitsɛ mi kɛ wo womi mi. Mlaa womi ɔ nitsɛ ɔ, Levi bi ɔmɛ nɛ ji osɔfo ɔmɛ a dɛ e hii.

Matsɛmɛ I, 7:7

Matsɛ Salomo je tsu ha matsɛ sɛ ɔ, nɛ lejɛ ɔ e hii kɛ buaa sanehi a he. Tsu nɛ ɔ, a tsɛɛ lɛ kojomi kue; nɛ a kɛ seda ka mi kɛ je zugba kɛ ya si akpale ɔmɛ a he.