La 121:4 - BAIBLO ALOO NGMAMI KLƆUKLƆU Ɔ

⁴ O nɛ, Israel he bulɔ ɔ de we kɔnɔɛ, nɛ e hwɔ we mahe hulɔ.

La 121:4 ပူးပေါင်းရင်းမြစ်များ

Matsɛmɛ I, 18:27

Piani ɔ, Eliya ye a he fɛu nɛ e de ke, “Nyɛ kpa wawɛɛ, ejakaa mawu ji lɛ! Eko piɔ, e ngɛ e yi mi susue, aloo e te si bɔɔ, aloo e hia blɔ, aloo be nɛ ɔ mi ɔ, e hwɔ mahe, konɛ nyɛɛ tsɛ̃ɛ̃ lɛ!”

La 127:1

Ke pi Yawɛ nɛ maa tsu ɔ, tsu mali gboɔ yaka dengme. Ke pi Yawɛ nɛ buɔ ma he ɔ, bulɔ fɔɔ nyɔ yaka gu kɛ buɔ ma he.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

Fiɛlɔ 8:16

Be tsuaa be nɛ i hla kaa ma le ní, nɛ ma na níhi nɛ yaa nɔ ngɛ je nɛ ɔ mi ɔ, i naa kaa o ma nyɛ maa hi si nyɔ kɛ pia nɛ mahe hwɔmi be mi.

Yesaya 27:3

“Imi Yawɛ nitsɛ nɛ i hyɛɛ e nɔ; i pueɔ nɔ nyu be tsuaa be. I buu e he nyɔ kɛ pia, bɔ nɛ pee nɛ nɔ ko nɛ ko ba kpata e hɛ mi.

Kpojemi 7:15

Enɛ ɔ he je nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ e sɔlemi we ɔ nɛ. Nɔ nɛ hii si ngɛ matsɛ sɛ ɔ nɔ ɔ maa baa a yi.