La 121:3 - BAIBLO ALOO NGMAMI KLƆUKLƆU Ɔ

³ E be hae nɛ o sane kɛ nɔ si. O he bulɔ ɔ, e de we kɔnɔɛ gblegbleegble.

La 121:3 ပူးပေါင်းရင်းမြစ်များ

Abɛ Womi 3:26

Yawɛ maa bu o he. E be blɔ ngmɛe nɛ o ya du klama.

Abɛ Womi 3:23

Kɛkɛ ɔ, o maa nyɛɛ tɛɛ ngɛ he jɔmi mi, nɛ o be nɔ́ tɛe.

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.

Yesaya 27:3

“Imi Yawɛ nitsɛ nɛ i hyɛɛ e nɔ; i pueɔ nɔ nyu be tsuaa be. I buu e he nyɔ kɛ pia, bɔ nɛ pee nɛ nɔ ko nɛ ko ba kpata e hɛ mi.

La 91:12

A maa hɛɛ mo ngɛ kɔɔhiɔ mi, bɔ nɛ pee nɛ o ko tɛ nɔ.

La 127:1

Ke pi Yawɛ nɛ maa tsu ɔ, tsu mali gboɔ yaka dengme. Ke pi Yawɛ nɛ buɔ ma he ɔ, bulɔ fɔɔ nyɔ yaka gu kɛ buɔ ma he.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

La 66:9

lɛ ji nɔ nɛ haa wa yi naa wami, nɛ e ha we nɛ waa sane nɔ si.

Abɛ Womi 2:8

Yawɛ buu dami sane yeli a he, nɛ e baa e ni klɔuklɔu ɔmɛ a yi.

La 41:2

Yawɛ maa bu e he, nɛ e yi ma na wami. Yawɛ maa gbaa lɛ ngɛ zugba a nɔ, nɛ e be e he ngmɛɛe kɛ ha e he nyɛli.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.