La 12:5 - BAIBLO ALOO NGMAMI KLƆUKLƆU Ɔ

⁵ Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 12:5 ပူးပေါင်းရင်းမြစ်များ

Hiob 5:15

Se Mawu heɔ ohiatsɛ yi wami kɛ jeɔ gbenɔ mi. E jeɔ nɔ nɛ e fí lɛ ɔ kɛ jeɔ yiwutsotsɛ dɛ mi.

Hiob 5:21

Mawu ma je mo kɛ je he guɛ gbeli a dɛ mi; ke hɛ mi kpatami ma a, e ma he o yi wami.

La 10:12

Yawɛ Mawu, gbla yayami peeli a tue, nɛ o hɛ ko je nɔ́ nali a nɔ.

La 10:18

Moo ye awusahi, kɛ nɔ́ nali a sane ha mɛ, konɛ nɔmlɔ adesa kó wo a he gbeye hu.

La 10:5

Yayami peelɔ yeɔ manye ngɛ nɔ́ tsuaa nɔ́ mi. E nɛ kaa Mawu tue gblami ko ngɛ ha lɛ. E he nyɛli lɛɛ, pe e yeɔ a he fɛu.

La 31:19

Nihi nɛ yeɔ mo gbeye ɔ, hyɛ ní kpakpahi babauu nɛ o dla kɛ to ha mɛ! Ni nɛmɛ nɛ ba saa we ngɛ o ngɔ ɔ, hyɛ ni nguanguahi babauu nɛ o pee ha mɛ. O peeɔ ní nɛ ɔmɛ tsuo ngɛ ma hɛ mi paa.

La 34:6

Nɔ́ nalɔ nɛ ɔ fa kue ha Yawɛ; Yawɛ bu lɛ tue, nɛ e je lɛ kɛ je e haomi ɔmɛ tsuo a mi.

La 73:8

A yeɔ nɔ he fɛu, nɛ a tuɔ nɔ he munyu yaya. A woɔ a he nɔ, nɛ a toɔ gahi nɛ a kɛ waa nihi yi mi.

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Abɛ Womi 14:31

Nɔ nɛ waa ohiatsɛ yi mi ɔ, Mawu ɔ nɛ bɔ ohiatsɛ ɔ e ngɛ jɛe ɔ nɛ. Se nɔ nɛ naa ni nɛmɛ nɛ e fi mɛ mɔbɔ ɔ, e ngɛ Mawu hɛ mi nyami woe.

Abɛ Womi 18:21

Munyu nɛ jeɔ nɔ nya mi ɔ, gbenɔ, loo wami lɛ e kɛ baa. Nihi nɛ suɔ munyu tumi ɔ, nɔ́ kpakpa, loo nɔ́ yaya ko nɛ maa je mi kɛ ba a, e sa mɛ.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Yesaya 19:20

Ní nɛ ɔmɛ maa da si kaa Yawɛ Tabohiatsɛ ɔ nɛ ngɛ a kpɛti ngɛ Egipt zugba a nɔ ɔ he okadihi. Lɔ ɔ he ɔ, ke nihi nɛ ngɛ lejɛ ɔ ma kpa ngmlaa kɛ tsɛ Yawɛ ngɛ yi mi nɛ a ngɛ mɛ wae ɔ he ɔ, e maa tsɔ nɔ ko nɛ e ba kpɔ mɛ.

Yesaya 33:10

Yawɛ ngɛ je ma amɛ dee ke, “Jehanɛ e su be nɛ ma tsu ní. Ma tsɔɔ nyɛ kaa ye he wa.

Ezekiel 18:18

E tsɛ ɔ lɛɛ, e waa nihi yi mi, e kpɔ̃ɔ̃ e nyɛmi nɔ́ ngɛ e dɛ, nɛ e peeɔ nɔ́ nɛ dɛ ngɛ e ma a mi; lɔ ɔ he ɔ, e ma gbo ngɛ e yayami ɔmɛ a he.

Hosea 7:16

A je ye se, nɛ mawu nɛ be he wami ko he wami ko ɔ, lɔ ɔ se a ngɛ nyɛɛe. A ngɛ kaa kɛ̃ɛ̃ nɛ kpɛ̃. A ma kpata a ma nimeli ɔmɛ a hɛ mi, ejakaa a tuɔ munyu puu; nɛ Egipt bi kɛ nɔ́ nɛ ɔ maa ye a he fɛu.”

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.