La 119:9 - BAIBLO ALOO NGMAMI KLƆUKLƆU Ɔ

⁹ Ke niheyo ngɛ hlae nɛ e ba e je mi bɔ nɛ sa a, kɛ e maa pee kɛɛ? Bɔ nɛ e maa pee ji e maa ye o mlaa amɛ a nɔ.

La 119:9 ပူးပေါင်းရင်းမြစ်များ

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

Yoshua 1:7

Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.

La 25:7

Yawɛ, yayamihi nɛ i pee, kɛ tɔmihi nɛ i tɔ ngɛ ye nihe mi ɔ, ko kai hu. Mohu ɔ, o suɔmi nɛ ngɛ daa, kɛ kpakpa nɛ o peeɔ he je ɔ, o hɛ ko je ye nɔ.

La 119:11

I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.

Abɛ Womi 1:10

Ye bi, ke yayami peeli ngɛ mo mlɔɔe ɔ, koo nyɛɛ a se.

La 34:11

Ye bimɛ, nyɛɛ ba nɛ nyɛ ba bu mi tue, nɛ ma tsɔɔ nyɛ nɛ nyɛɛ ye Yawɛ gbeye.

Yohane 15:3

Nyɛɛ lɛɛ munyuhi nɛ i tu nyɛ ɔ tsu nyɛ he momo.

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Abɛ Womi 4:1

Ye bimɛ, nyɛɛ bu nɔ́ nɛ nyɛ tsɛ ngɛ nyɛ tsɔɔe ɔ tue saminya, konɛ nyɛɛ le ní.

Abɛ Womi 1:4

Nɔ nɛ li nɔ́ ɔ, abɛ ɔmɛ ma ha nɛ e nɔ bɔ ma tsɔ; se niheyo lɛɛ e ma na juɛmi, kɛ hɛ mi si kami.

Abɛ Womi 7:7

i na nihewi babauu nɛ a be juɛmi. Nɔ kake nɛ i to e he hɛ saminya a, lɛɛ e pa biɛ pe mɛ tsuo.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

Luka 15:13

Be bɔɔ se ɔ, jokuɛyo ɔ jua e blɔ fami nɔ́ ɔ tsuo, nɛ e kɛ sika a doma kɛ ho ma se he ko lokoo ya. Lejɛ ɔ e kɛ je mi bami yaya ya kpata e sika a hɛ mi ngɛ.

Kronika II, 6:16

Lɔ ɔ he ɔ, Yawɛ, Israel Mawu lee, i kpa mo pɛɛ, si nɛ o wo tsaatsɛ, benɛ o de lɛ ke, ke e binyumu ɔmɛ maa ye o mlaa a nɔ sisiisi kaa bɔ nɛ e pee ɔ, a maa ye tsɛ ngɛ Israel kɛ maa ya neneene ɔ, ha jamɛ a siwo ɔ hu nɛ ba mi.

Hiob 13:26

O po ye nya wawɛɛ nitsɛ; yayamihi nɛ i pee ye nihe be mi hu o ngɔ kɛ piɛ he.

Mose V, 17:18

Ke matsɛ ɔ ba hi sɛ ɔ nɔ ɔ, nɔ́ nɛ é pee mohu ji e ha nɛ a ngma Mawu mlaa amɛ, kɛ tsɔɔmi ɔmɛ kɛ je mlaa womi ɔ nitsɛ mi kɛ wo womi mi. Mlaa womi ɔ nitsɛ ɔ, Levi bi ɔmɛ nɛ ji osɔfo ɔmɛ a dɛ e hii.

La 17:4

I yeɔ o mlaa amɛ a nɔ, nɛ i kɛ basabasa peeli bɔɛ.

Abɛ Womi 2:11

O he nile, kɛ o nɔ́ sisi numi maa bu o he,